Actualitats
Grècia a cedit davant las exigéncias de la tròica
Lo parlament grèc a votat en favor de las mesuras impausadas, e mai se Varoufakis e d’autres deputats de Syriza an votat contra
Lo parlament grèc (la Vouli) aprovèt ièr de matin l’acòrdi sul tresen salvament impausat per la tròica. Lo primièr ministre, Alexis Tsipras, demandèt lo sosten de totes los partits e obtenguèt un acòrdi que li salva sa carga, mas que dobrís d’importants signes d’interrogacion politica. Un nombre considerable de deputats de Syriza an votat contra lor primièr ministre, dirigits per Giannis Varoufakis, que fins a dimenge èra ministre de l’economia. Lo resultat final del vòte foguèt de 229 vòtes per, 64 contra (dont qualques quaranta èran de deputats de Syriza) e 6 abstencions.
Una partida dels deputats de Syriza que votèron contra l’acòrdi, dirigits pel ministre de l’energia Panagiotis Lafazanis, assegurèron que, malgrat tot, contunhavan de sosténer Alexis Tsipras. Lo vòte se faguèt après mièjanuèch, quand s’èra ja acabat lo relambi marcat per l’Union Europèa.
A las pòrtas del parlament grèc, de manifestants afrontèron la polícia amb violéncia e amb de coctèls Molotov pendent qualques oras.
Una partida dels deputats de Syriza que votèron contra l’acòrdi, dirigits pel ministre de l’energia Panagiotis Lafazanis, assegurèron que, malgrat tot, contunhavan de sosténer Alexis Tsipras. Lo vòte se faguèt après mièjanuèch, quand s’èra ja acabat lo relambi marcat per l’Union Europèa.
A las pòrtas del parlament grèc, de manifestants afrontèron la polícia amb violéncia e amb de coctèls Molotov pendent qualques oras.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 l'aurias pas vist lo terratremol, vist que t'aurai far virar las batas, mentre que d'autres aurian agut sonque qualques desgalhs.....
Lo gorvernament grèc "aprobèt" ? Amb un flingue sul tempe, es pas exactament çò qu'apèli "aprobar"…
#1 Evitar lo tèrratremol ? E ben ieu, m'auriá agradat de lo veire, aqueste tèrratremol ? Las "nòstras" bancas serián estadas arroïnadas ? E alara ? Ieu, tre lo dètz de cada mes, soi en dejós de 0, amb lo pauc que nos pagan, respèta al còsta de la vida que quita pas d'augmentar dempèi l'intrada dins la zòna eurò (dita tanben "democratic ground zero").
Benlèu qu'a causit lo mendre mal ! de tot biais Grècia es arroinada que siaguesse dins la zona eurò o pas.
E val mai èsser arroinat amb els autres que solet.!
La sola rason per de qué Grècia es damorada dins la zona eurò es per provoca pas un terratremol. Aquò es la paur granda dels agremolts de Bruxelles.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari