Bandièra01 1180x150: Comuna de Tolosa

Actualitats

crotz-tolosaCreated with Sketch.Gasconha

Activat lo nivèth 1 deu plan anti-incendi al país de Bordèu

La prefectura de Gironda anoncièt lo 30 de març la mesa en òbra de mesuras de nivèth 1 contra los incendis

Tot lo país de Bordèu es miaçat peus hucs, dab tres mes d'avança
Tot lo país de Bordèu es miaçat peus hucs, dab tres mes d'avança | François-Xavier Bodin

Dens lo pinhadar, las condicions meteorologicas excepcionalas d'aquesta debuta de prima e la manca de pluja cumulada dempuish mantun mes ahortissen de hèt la risca de huc.


Tot l'oest de la Garona, hòra de la Grava, es cubèrt peu pinhadar, çò que hè que la Gironda sia un departament de sèuva en larga part, qu'es miaçat peus hucs, com cada annada. Ongan, dab tres mes d'avanças, ça que la.

En un comunicat de premsa pareishut lo 30 de març, la prefectura de Gironda anoncièt la mesa en òbra d'un plan contra aqueth perilh. Serà valable a comptar deu 30 de març, shens limita temporau.
 
Son adara enebits:
 
  • - tota incineracion o destruccion peu huc dens los cantons expausats;
  • - tot apòrt de huc dens la sèuva (fumar, gitar, utilizar aluquetas o tira-hucs);
  • - tota activitat ludica o esportiva en territòri de seuva, entre 12h e 22h;
  • - la circulacion de las gents o deus veiculs dens la sèuva (camins, pistas de bicicleta, vias forestèiras), a l'excepcion deus espleitants agricòles e tribalhadors de la sèuva.
 
Aquesta situacion pòt chepicar, d'autant que tota Occitània es pertocada per aquest temps agradiu mès pauc confòrme a las normalas de saison. Si la temporada toristica poirà plan aprofitar d'aquestes temperaturas d'estiu, las miaças son totun realas, tant dens lo maine de l'agricultura e de la selvicultura com de la gestion ecologica deu país dab risca d'incendis e nivèth deus baishs de las napas freaticas.
 
Pèir-Joan Masdiset

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Tederic Merger Tonens
1.

N'ac èi benlèu pas tot comprés, mès sembla qu'èram en infraccion quan hesom l'exploracion deu costat de Capsius dijaus passat, sus ua anciana via herrada qui servis tanben de camin de Sent Jamme :
http://railgascogne.canalblog.com/albums/bourriot_bergonce___captieux_2012/index.html

  • 0
  • 0

Escriu un comentari sus aqueste article