Actualitats
Mièg milion de vidèos de moments istorics sus YouTube
Un acòrdi entre Associated Press e British Movietone descarga mai d’un milion de minutas d’enregistraments istorics de 1895 fins ara
L’agéncia d’informacions Associated Press e los archius British Movietone an començat d’apondre sus lors comptesrespectius de YouTube aperaquí 550 000 vidèos istorics, amb mai d’un milion de minutas al total. Se tracta del pus grand cargament de vidèos de l’istòria d’Internet e conten d’eveniments dempuèi 1895 dins los domenis de la politica, l’espòrt, la mòda, la sciéncia, lo léser, etcetèra.
Demièg los centenats de milièrs de vidèos cargats sus YouTube, i podèm descobrir d’imatges del Festenal de Woodstock (1969), d’un reportatge sus l’assassinat de Martin Luther King, de l’aterratge d’Apollo 11 sus la Luna, de la liberacion de Nelson Mandela e de l’òme quilhat davant los tancs sus la Plaça Tiananmen de Pequin.
Tanben s’i pòt veire lo grand tèrratrem de San Francisco (1906), l’atac japonés de la basa de Pearl Harbour (1941), l’istoric discors de John Fitzgerald Kennedy a Berlin (1963), la casuda del Mur de Berlin (1989) e mai una entrevista de la cantaira anglesa Amy Winehouse quand parla de reputacion en 2004.
A respècte d’Occitània, avèm trobat, demièg un fum de documents fòrça interessants, un reportatge de la protèsta contra lo camp militar en Larzac e un reportatge sens son del vièlh quartièr marselhés del Panier.
Demièg los centenats de milièrs de vidèos cargats sus YouTube, i podèm descobrir d’imatges del Festenal de Woodstock (1969), d’un reportatge sus l’assassinat de Martin Luther King, de l’aterratge d’Apollo 11 sus la Luna, de la liberacion de Nelson Mandela e de l’òme quilhat davant los tancs sus la Plaça Tiananmen de Pequin.
Tanben s’i pòt veire lo grand tèrratrem de San Francisco (1906), l’atac japonés de la basa de Pearl Harbour (1941), l’istoric discors de John Fitzgerald Kennedy a Berlin (1963), la casuda del Mur de Berlin (1989) e mai una entrevista de la cantaira anglesa Amy Winehouse quand parla de reputacion en 2004.
A respècte d’Occitània, avèm trobat, demièg un fum de documents fòrça interessants, un reportatge de la protèsta contra lo camp militar en Larzac e un reportatge sens son del vièlh quartièr marselhés del Panier.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari