Bandièra01 1180x150: Comuna de Tolosa

Actualitats

SocietatLenga
crotz-tolosaCreated with Sketch.GasconhaVal d'Aran

Era Val d’Aran se botge pera lengua

Milèrs d’aranesi que reclamen aué en ua jornada revendicatiua, esportiua e hestiua, er usatge sociau der aranés

Concèrt de Nadau. Corsa Aran per sa lengua 2007
Concèrt de Nadau. Corsa Aran per sa lengua 2007

Era Val d’Aran qu’acuèlh aué era 19au edicion dera Corsa Aran per sa lengua. S’agís d’ua manifestacion revendicatiua ena que fòrça aranesi trauèrsen era Val, a pè o en tot córrer. Es corsaires que gessen de Les, de Montgarri o deth Pòrt de Vielha e que s’amassen ath ser ena plaça de Vielha. Aquiu que se i amassen normauments ues 1000 persones, e dempús des actes e des discorsi, un brave e animat concèrt de Nadau que claue ua jornada que cada an ven istorica.


Es participants qu’arriben en Vielha en tot carrejar es terçons, que permeteràn de diboishar eth mapa dera Val ena plaça dera glèisa.
 
Era marcha qu’ei organizada peth collectiu Lengua Viua, qu’ath delà de revendicar er usatge sociau der aranés, enguan que demane ath Conselh Generau d’Aran qu’arriben a un acòrd entà poder portar ath Parlament de Catalonha eth projècte dera naua Lei d’Aran.
 
Era principau hònt de sòs entà finançar er eveniment, qu’ei era venta dera camiseta dera corsa, qu’ena edicion d’enguan ei inspirada en drapèu deth país: ei de color grana e auriòla. Per aquerò enguan se i autrejarà tanben eth prèmi de 400 èuros ath dessenh dera samarreta escuelhut entre era quinzea longa des que se i presentèren e que corresponec, per majoritat de vòts, a Guilhèm Vilches.
 
Era corsa que compde cada an damb mès compatriòtes de Garona enjós, que vien tanplan a botjar-se peth nòste aranés, qu’ei, fin finau, er occitan de toti.
 
 
 
 
Ferriòl Macip

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article