Actualitats
Lacourt es tornarmai campion del Mond del 50 mètres esquina
L’esportiu narbonés a ben capitat sa tresena medalha d’aur en un campionat mondial
Lo nadaire occitan Camille Lacourt venguèt ièr campion del Mond del 50 mètres esquina. Lo narbonés s’impausèt en 24,23 segondas al Campionat Mondial de Natacion que se debana a Qazan (Kazan), en Tatarstan. Pendent la setmana passada aviá ja recebut la medalha d’argent esquina darrièr l’australian Mitchell Larkin.
Lacourt venguèt ja campion del Mond del 50 mètres esquina arunan al Campionat del Mond de Natacion de Barcelona, e èra ja medalha d’argent en 2011 sus aquela distància, an qu’aguèt la medalha d’aur al 100 mètres esquina.
E mai se nasquèt a Narbona, Lacourt comencèt la natacion a 5 ans a la Cabanassa (Catalonha) e a 16 ans intrèt dins l’esquipa de Font-romeu. A l’ora d’ara es considerat un dels melhors nadaires d’esquina del començament del sègle XXI, e a ganhat divèrses títols de campion de França, d’Euròpa e del Mond.
Lacourt venguèt ja campion del Mond del 50 mètres esquina arunan al Campionat del Mond de Natacion de Barcelona, e èra ja medalha d’argent en 2011 sus aquela distància, an qu’aguèt la medalha d’aur al 100 mètres esquina.
E mai se nasquèt a Narbona, Lacourt comencèt la natacion a 5 ans a la Cabanassa (Catalonha) e a 16 ans intrèt dins l’esquipa de Font-romeu. A l’ora d’ara es considerat un dels melhors nadaires d’esquina del començament del sègle XXI, e a ganhat divèrses títols de campion de França, d’Euròpa e del Mond.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E un còp de mai al moment dels imnes nacionals e de l'enartament de la bandièra del pais del venceire, al lòc del "Se Canta " e de la bandièra occitana nos calguèt ausir "Le Chant de l'Armée du Rhin" (vertadièr nom de "La Marseillaise") e veire pujar la bandièra del pais dels dreits de l'òme e de la femna que parlan francés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari