Actualitats
Turing Phone, lo telefòn mai segur e resistent?
Se pòt ja reservar per Internet e incorpòra fòrça caracteristicas e materials per ne garentir la seguretat e la resisténcia
Turing Robotics Industries presenta un telefòn caracterizat sustot per la seguretat. Lo Turing Phone, nom que fa onor al matematician anglés e paire de l’informatica modèrna, Alan Turing (1912-1954), cèrca d’èsser un telefòn mobil desparièr amb una version especiala del sistèma operatiu Android. Una granda part de la maquinària intèrna es criptada e demanda una activacion de seguretat de doas estapas, amb un lector d’emprentas comprés.
Mas es tanben segur extèrnament, gràcias a son còrs fach d’un material “liquid”, “mai resistent que l’acièr o lo titani”. Intèrnament, totas las pèças son recobèrtas per lo far mai resistent a l’aiga.
Tocant las caracteristicas tecnicas, lo Turing Phone a un ecran de 5,5 poces (1920 x 1080), un microprocessor MSM8974AC Quad Krait de 2,5 gigahertzes e 3 gigabytes de memòria DDR3. Lo sistèma qu’emplega es Android 5.1 Lollipop, amb una interfàcia d’usatgièr pròpria e fòrça desparièra de l’originària.
Se pòt ja reservar en linha, amb tres versions: la de 16 gigabytes, per 610 dolars; la de 64 gigabytes, per 740 dolars, e la de 128 gigabytes, per 810 dolars.
Mas es tanben segur extèrnament, gràcias a son còrs fach d’un material “liquid”, “mai resistent que l’acièr o lo titani”. Intèrnament, totas las pèças son recobèrtas per lo far mai resistent a l’aiga.
Tocant las caracteristicas tecnicas, lo Turing Phone a un ecran de 5,5 poces (1920 x 1080), un microprocessor MSM8974AC Quad Krait de 2,5 gigahertzes e 3 gigabytes de memòria DDR3. Lo sistèma qu’emplega es Android 5.1 Lollipop, amb una interfàcia d’usatgièr pròpria e fòrça desparièra de l’originària.
Se pòt ja reservar en linha, amb tres versions: la de 16 gigabytes, per 610 dolars; la de 64 gigabytes, per 740 dolars, e la de 128 gigabytes, per 810 dolars.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari