Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Aran se diferéncie de Catalonha

Junts pel Sí arriben prumèrs, mes es fòrces contra era independéncia catalana progrèssen e son majoritàries en Aran

| Carlos Barrera
Com enes auti territòris catalans, era lista unitària des indenpendentistes, Junts pel Sí, arriben prumèrs damb eth 24,72% en Aran. Mes Junts pel Sí ei luenh deth resultat des eleccions de 2012 a on ERC e CIU totalizauen eth 37,44%. Ei vertat que durant aguest temps era CUP, damb era candidatura aranesa de Mireia Boya, multiplicaue quasi per 5 en nombre de vòtes en passar deth 1,34% en 2012 ath 6,33% en 2015. Eth constat ei totun clar en Aran: es fòrces independentistes catalanes arriben ath 30% quan en Catalonha son ath 48% des vòtes. Union, partit catalanista antiindependéncia, ne profèita en hèr eth 5,1%, ei a díder eth doble qu’en Catalonha.
 
Eth gran vencedor des eleccions en Aran ei eth nau partit espanholista de dreta: Ciutadans (C’s). Es chifres son impressionants e passen en 3 ans deth 5,64% ath 24,21% des vòtes. Eth solet deputat aranés elegit ei de C’s e non parle occitan! C’s ei quasi eth prumèr partit d’Aran. Junts pel Sí non a que 25 votants de mès que C’s. Es partits contra era independéncia catalana que son eth 70% des electors. Encara ua auta diferéncia damb eth contèxt generau des eleccions catalanes: es partits espanholistes (PP e C’s) hèn eth 36 % des vòtes.
 
Semble clar qu’er independentisme catalan baishe mès rapidament en Aran. Es rasons son multiples: Eth PSÒE-PSC  se mantié en Aran, damb eth 19,62%, mentre que baishe fòrça en Catalonha. Aquerò s’explica pera sua implantacion en Baish Aran de Paco Boya. Mes tanben per un refús d’ua part dera populacion deth Baish Aran de se sentir catalan.
 
Era explicacion mès clara sus era flaquesa deth procès independentista en Aran vié dera preséncia massiua de populacions castelhanofònes, arribades recentament, que non s’an integrat ara vida aranesa.
 
Eth futur dera Val d’Aran semble ara encara mès complicat. Ciutadans, partit antioccitanista, poderà un dia accedir au poder se continue a hèr progrèssi electoraus. Semble tanben evident qu’Aran vòte de “non” a un referendum sus era independéncia de Catalonha ath dia d’aué. En 2015, es eleccions pòrten mès questions que responses ena Val d’Aran.
 
 
 
 
Nicolau Rei-Bèthvéder

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Òlo Pujòlo
11.

#8 Que cau ua analisi mès de hons. Ei vertat qu'Aran ei plen de dusaus residéncies de gent benestanta de Madrid e d'auti endrèts d'Espanha pr'amor deth torisme dera nhèu de nauta qualitat, e de luxe. En Aran an casa era monarquia, es èx-presidents espanhòus, ministres e gent poderosa. Aqueres gents i pòrten sòs, pòrten er espanholisme, e molti quitament i vòten.

Ciutadans a presentat a un candidat aranés. Que solament parle castelhan, mès que vieu en Aran e que tàs aranesi ei un aranés coma es auti, coma deu èster. E fòrça gent a votat ara persona.

Çò que hè mau, ei que precisamens aguest partit a hèt declaracions e votacions contra era lengua e er autogovèrn d'Aran,e non i a agut ua contracampanha coma cau des auti partits, que s'an plejat entre eri enlòc de hèr front comun contra Cs e eth PP.

Cau tanben díder qu'Aran a votat tostemp diferent de Catalonha, e qu'era gent ei majoritàriaments conservadora.

  • 13
  • 0
Pirolet
10.

N'i que parlan de nacionalisme mas degun menciona pas lo nacionalisme espanhòl nimai lo nacionalisme francés. A, es vertat! Quand s'agìs d'un estat, es pas de nacionalisme, es de "patriotisme", a tot lo mai de "sobeiranisme". Enfin, pauc a cha pauc, los sobeiranistas franceses (ancians del Chevènment e autres) acaban a l'ostal Le Pen.

  • 5
  • 0
roucau
9.

#8 Los Aranés "de soca" que son tostemps majoritaris. N'ei pas sonqu'un vòte de monde de la montanha, qui's menshida deu centralisme catalan, pr'amor de non pas sentí’s de Catalonha.

Los occitanistas que's volerén catalans mes los Aranés que saben plan çò qui son : "Aranesi".

  • 1
  • 8
Lafontan
8.

#7 Ne soi conscient e es benlèu mal exprimit mas quora i a un vertadier cambiament de populacion en pauc de temps es un desiquilibri brutal e mortal per la populacion autoctona. Es una realitat tarribla, se la cal pas amagar e trapar de mejans de se defendre. Jo me geina pas d'impausar la lenga autoctona quora es en dangier mortal;

  • 4
  • 0
Emmanuèl Isopet
7.

#2 Gausi pas transpausar aqueste comentari amb "França" en plaça d"Aran" e "arabofon" per "castelhanofon"... me semblaria d'extrèma drecha, e cresi pas que l'autor d'aqueste comentari ne siá. Mas de còps que l'i a, cal far atencion als biaisses de dire.

  • 3
  • 0

Escriu un comentari sus aqueste article