Bandièra01 1180x150: Comuna de Tolosa

Actualitats

Ongria a barrat la frontièra de Croàcia als refugiats sirians

Eslovènia a suspendut las connexions ferroviàrias per se preparar per l’arribada dels refugiats

O aviá anonciat e o a fach. Lo govèrn d’Ongria barrèt dissabte passat la frontièra amb Croàcia als refugiats sens visat, per ensajar d’evitar lo passatge pel país de personas provenent mai que mai de Siria. La mesura afècta tres ponches principals que daissaràn pas passar los qu’ajan pas los papièrs necessaris.
 
Cal remembrar qu’Ongria barrèt ja fa un mes la frontièra amb Serbia als migrants en transit vèrs Alemanha. Per tant, se prevei qu’ensajaràn de circular per Eslovènia.
 
De fach, lo govèrn croat a anonciat que menarà las personas que transitan per son territòri cap a Eslovènia, a travèrs de tres passes frontalièrs al nòrd del país, dos de viaris e un de ferroviari.
 
De lor costat, las autoritats eslovènas an suspendut las connexions ferroviàrias amb Croàcia per se preparar per la previsibla arribada de nombroses refugiats.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lo canonge de misericordia
2.

fau remarcar qu'aquela paura d'Ongria tant aborrida, tan criticada, tant escarnida per la benpensança mediatico-politica de nòstra "Nomenklatura" respècta leis acòrds de Schengen que preveson que ai limits de l'Espaci europenc lei frontieras foguèsson barradas se per cas èra necessari -per empachar una invasion de sensa-papiers o tot autre motiu que siá. Serbia coma Croacia fan pas partida d'Euròpa

  • 2
  • 3
Pirolet
1.

-Un bon negòci en Ongria: fabricant d'aram crancut!
-Se i aguèsse pas qu'Ongria!

  • 0
  • 1

Escriu un comentari sus aqueste article