Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheAuvèrnheLimanha

Clarmont-Ferrand: batèsta violenta entre de fieraires e mai d’un centenat de joves

Entre 100 e 150 joves arribèron a l’encòp al Luna Park encagolats, e mièja dotzena de fieraires los esperavan sus plaça, fusilh a l’espatla, darrièr los camions

| France 3 Auvergne
Sèt ferits per de tirs de carabina de plomb, dont dos policièrs, es lo bilanç d’una batèsta que se passèt ièr dimenge dins una fièra de Clarmont-Ferrand, entre de fieraires e desenats de joves, segon çò que rapòrta La Montagne.
 
L’incident comencèt de tantòst al Luna Park qu’es actualament installat dins la capitala d’Auvèrnhe, quand se tirèt de còps de fuòc dins de circonstàncias encara indeterminadas. Intervenguèron los pompièrs e la polícia en fasent evacuar lo sit. Se vesiá quitament de fum que veniá de pneumatics cremats.
 
Mai d’un centenat de joves, entre 100 e 150, arribèron a l’encòp al Luna Park encagolats, e mièja dotzena de fieraires los esperavan sus plaça, fusilh a l’espatla, darrièr los camions.
 
Lo prefècte ordenèt, per arrestat prefectoral, la barradura de la fièra Luna Park fins a novèl òrdre. Mas sembla que i a pas cap de detengut.
 
Segon lo jornal auvernhat, la brega seriá restacada a l’afar del còp de cotèl que lo patiguèt un òme dijòus passat, a l’intrada del pargue d’atraccions, çò que provoquèt ja alavetz una batèsta.



Le Figaro:

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article