Actualitats
Empachan un boxaire australian de portar una camiseta amb lo drapèl dels aborigèns als Jòcs Olimpics
Lo Comitat Olimpic Australian li a enebit de la tornar portar e lo Comitat Olimpic Internacional l’a obligat de se desencusar
Lo boxaire Damien Hooper participèt diluns passat als Jòcs Olimpics de Londres amb una camiseta arborant la bandièra dels aborigèns australians; lo Comitat Olimpic Australian li a enebit d’o tornar far. Lo Comitat Olimpic Internacional lo sancionarà pas, mas l’an obligat de se desencusar e d’assegurar que la tornarà pas portar.
Pendent lo combat contra un adversari dels Estats Units, Hooper volguèt representar la siá cultura. “Solide que m’agradariá pas se me sancionavan, mas soi fièr d’o aver fach” çò diguèt Hooper, qu’es lo boxaire de pes leugièr numèro dos del Mond.
“Soi aborigèn e representi non solament la miá cultura mas tanben las miás gents. Soi content d’o aver fach” çò afirmèt Hooper.
Lo Congrès Nacional dels Primièrs Pòbles d’Austràlia dona lo sieu sosten a Hooper e a dich que lo fach d’èsser obligat de se desencusar es una “foliá democratica”. Dins un comunicat, an dich que lo boxaire a drech de mostrar la siá identitat e qu’es pas obligat de se desencusar per aquò.
Pendent lo combat contra un adversari dels Estats Units, Hooper volguèt representar la siá cultura. “Solide que m’agradariá pas se me sancionavan, mas soi fièr d’o aver fach” çò diguèt Hooper, qu’es lo boxaire de pes leugièr numèro dos del Mond.
“Soi aborigèn e representi non solament la miá cultura mas tanben las miás gents. Soi content d’o aver fach” çò afirmèt Hooper.
Lo Congrès Nacional dels Primièrs Pòbles d’Austràlia dona lo sieu sosten a Hooper e a dich que lo fach d’èsser obligat de se desencusar es una “foliá democratica”. Dins un comunicat, an dich que lo boxaire a drech de mostrar la siá identitat e qu’es pas obligat de se desencusar per aquò.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vistes :
- un gwen ha du al dojò
- la bandièra frisona al velodròme
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari