Sam Burgess, perdut una annada dins l’univèrs quinzista, ven de decidir de tornar jogar cò dels Lapinons de Sud-Sydney http://www.rugbyrama.fr/rugby/premiership-angleterre/2015-2016/s.burgess-angleterre-quitte-finalement-bath-et-retourne-en-nrl_sto4979654/story.shtml . L’esquipa australiana a mes la man (lo braç) al pòrtafuèlha per tornar crompar los dos ans de contracte a Bath e tanben per un salari annual que farà del pilar anglés lo jogaire mai pagat de l’NRL: 700 000 liuras, siá 980 000 èuros! Una bona novèla tanben pel XIII anglés abans las Quatre Nacions de l’an que ven e la Copa del Mond de 2017.
La decision se farà a Wigan
Dissabte, 45 000 espectators, dins l’estadi olimpic de Londres, assistiguèron a la segonda partida entre Anglatèrra e la Nòva Zelanda. Los angleses avián ganhat la setmana passada. La partida foguèt sarrada: 2-2 a la pausa. Los Kiwis marcavan un ensag transformat. Los angleses vesián l’arbitre vidèo refusar dos ensages, los Kiwis: un. Un tombat a qualques minutas de la fin marcava la victòria dels jogaires del Antipòdes: 9-2.
Lo ganhaire de la tièra de 3 rescontres serà doncas designat aprèp la partida de Wigan dissabte, dins un estadi qu’aficha complet dempuèi bèl brieu.
Blaus: una victòria per pas grand causa
Dissabte, los Blaus recebián los escoceses a Avinhon. Faguèron una brava diferéncia dins lo primièr temps, 28-6, mas daissèron lor rugbi dins lo vestiari per presentar un segond temps tristonet e ganhar fin finala 32-18.
Es una victòria que servís per res dins la mesura que los galeses anèron ganhar 30-4 en Irlanda per acabar aqueste campionat europèu sens desfaita.
Escòcia, que jogarà las Quatre Nacions l’an que ven, va aver de problèmas per pas èsser una victima bèla dels 3 grands. Pels Blaus, l’entraïnaire Richard Agar ditz que l’esquipa es en construccion per la Copa del Mond de 2017, mas va caler trapar lo material necessari e lo ciment indispensable.
Campionat: mesa a jorn
Aqueste dimècres de vèspre (11 de novembre), se jogarà la partida reportada del 1r de novembre entre Carcassona e Sant Estève-XIII catalan.
Al programa de la dimenjada: Tolosa-Albi e Avinhon-Palau, dissabte; Sant Estève-XIII Catalan contra Limós e Vilanuèva-Associacion Esportiva de Carcassona, dimenge.
Temps de dintrada
La represa dels entraïnaments pels Dracs catalans se farà diluns que ven 16 de novembre a Perpinhan. Los novèls jogaires arriban un puèi l’autre, coma lo pilar-segonda linha australian Dave Taylor. Òm se pòt demandar s’a degut pagar un suplement de bagatge per faire viatjar sos 128 quilogramas! Seguissiá l’alièr anglés Jodie Broughton qu’a fait jogar sa velocitat per èsser lo primièr arribat dels jogaires novèls!
A la ràdio
L’emission Cinquième Tenu d’aqueste dimars 10 de novembre (18h30), sus RCF-Pays d’Aude, consagra un bèl moment a una entrevista amb Eric Anselme a prepaus de la linha de vestits tretzistas Anselme-Collection.
Alan Roch
La decision se farà a Wigan
Dissabte, 45 000 espectators, dins l’estadi olimpic de Londres, assistiguèron a la segonda partida entre Anglatèrra e la Nòva Zelanda. Los angleses avián ganhat la setmana passada. La partida foguèt sarrada: 2-2 a la pausa. Los Kiwis marcavan un ensag transformat. Los angleses vesián l’arbitre vidèo refusar dos ensages, los Kiwis: un. Un tombat a qualques minutas de la fin marcava la victòria dels jogaires del Antipòdes: 9-2.
Lo ganhaire de la tièra de 3 rescontres serà doncas designat aprèp la partida de Wigan dissabte, dins un estadi qu’aficha complet dempuèi bèl brieu.
Blaus: una victòria per pas grand causa
Dissabte, los Blaus recebián los escoceses a Avinhon. Faguèron una brava diferéncia dins lo primièr temps, 28-6, mas daissèron lor rugbi dins lo vestiari per presentar un segond temps tristonet e ganhar fin finala 32-18.
Es una victòria que servís per res dins la mesura que los galeses anèron ganhar 30-4 en Irlanda per acabar aqueste campionat europèu sens desfaita.
Escòcia, que jogarà las Quatre Nacions l’an que ven, va aver de problèmas per pas èsser una victima bèla dels 3 grands. Pels Blaus, l’entraïnaire Richard Agar ditz que l’esquipa es en construccion per la Copa del Mond de 2017, mas va caler trapar lo material necessari e lo ciment indispensable.
Campionat: mesa a jorn
Aqueste dimècres de vèspre (11 de novembre), se jogarà la partida reportada del 1r de novembre entre Carcassona e Sant Estève-XIII catalan.
Al programa de la dimenjada: Tolosa-Albi e Avinhon-Palau, dissabte; Sant Estève-XIII Catalan contra Limós e Vilanuèva-Associacion Esportiva de Carcassona, dimenge.
Temps de dintrada
La represa dels entraïnaments pels Dracs catalans se farà diluns que ven 16 de novembre a Perpinhan. Los novèls jogaires arriban un puèi l’autre, coma lo pilar-segonda linha australian Dave Taylor. Òm se pòt demandar s’a degut pagar un suplement de bagatge per faire viatjar sos 128 quilogramas! Seguissiá l’alièr anglés Jodie Broughton qu’a fait jogar sa velocitat per èsser lo primièr arribat dels jogaires novèls!
A la ràdio
L’emission Cinquième Tenu d’aqueste dimars 10 de novembre (18h30), sus RCF-Pays d’Aude, consagra un bèl moment a una entrevista amb Eric Anselme a prepaus de la linha de vestits tretzistas Anselme-Collection.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Victòria de Cacassona suls Catalans : 30-14.
L'ASC cap de fila del campionat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari