Bandièra01 1180x150: Comuna de Tolosa

Actualitats

Anonymous “a declarat la guèrra” a l’Estat Islamic amb un comunicat en vidèo

En seguida dels atemptats de París, lo collectiu Anonymous “a declarat la guèrra” a l’Estat Islamic, mejançant la publicacion d’un vidèo sus Internet. Un pòrtavotz, amb la populara masca de Guy Fawkes, a legit un comunicat qu’anonciava “l’accion de massa mai granda qu’auràn fach fins ara”. E apondèt: “Anonymous vos perseguirà per lo Mond entièr. Vos cal saber que vos trobarem e que vos daissarem pas vos escapar”.


Neutralizan 5500 comptes de Twitter
 
De fach, los ciberactivistas an ja començat la guèrra cibernetica contra l’Estat Islamic en metent en marcha la dicha “Operacion París” (etiquetas #OpParis e #OpISIS), amb la tòca d’atacar los sits web e los perfils dels rets socials liats amb l’organizacion jihadista. Dins aquel sens afirman qu’a l’ora d’ara an neutralizat 5500 comptes de Twitter. 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lilian Chovèl Occitània de bisa
4.

Z-ai 'gut na discuta 'bei mon frairon que coneis un petit la question, e me disiá qu'èra pas ren los anonymous! Per eisemple, durant la prima daus país arabes, quand le podeir tunisian bloquèt l'internet, avion 'parats le país de la cençura informatica en permetre aus blogaires d'aver 'na connexion...

  • 0
  • 0
Lo Princilhon
3.

#1 Segon l'article, son de "ciberactivistas"

  • 4
  • 0
jp la rapieta Brussels
2.

#1

Vos fau gaitar « V per Vendetta » per comprener que damandar ad un òme mascarat son nom es d'una granda absurditat.
Apres lu filme, e beleu avant, fau mai que tot legir la bede eponina.

  • 5
  • 0
lachaud Dournazac
1.

Qui son anonymous, qual poder an e qualas son lors tòcas? Me sei totjorn pausar la question.

  • 0
  • 2

Escriu un comentari sus aqueste article