Bandièra01 1180x150: Comuna de Tolosa

Actualitats

Sant Macari: en lucha contra los nòus comptadors de gas e electricitat

La comuna refusa l’installacion “obligatòria” d’aqueles nòus aparelhs que genèran de raionaments electromagnetics e de microondas

| Henry Salomé
La comuna de Sant Macari (Entre Doas Mars / Entre Duas Mars) refusa d’aculhir dins son territòri los nòus modèls de comptadors d’electricitat e de gas nomenats Linky e Gazpar. Segon las autoritats municipalas, aqueles nòus aparelhs diches “intelligents” o “comunicants” poirián portar tòrt a la santat dels abitants, mai que mai a causa dels raionaments electromagnetics que los emet lo comptador Linky e de las microondas que las emet lo comptador Gazpar.
 
“Los cables deus abitatges non son pas estats prevists entà utilizar la tecnologia Linky. En non essent pas blindats, van generar raionaments nocius dens totas las crambas deus abitatges, compresas las crambas deus enfants. Es inacceptable e non ac acceptaram pas”, çò diguèt Stéphane Lhomme, elegit local e director de l’Observatòri del Nuclear, çò rapòrta 20 minutes.
 
Lo conselh municipal de Sant Macari es fòrça sensible amb aquela question. Lo 13 de novembre passat mandèt una letra als 2500 abitants per los avertir que las microondas son enebidas dins las gardariás d’enfants e limitadas dins las escòlas dempuèi lo 9 de febrièr. E mai cal dire que l’Organizacion Mondiala de la Santat (ÒMS) classèt los raionaments electromagnetics coma de “cancerogèns possibles”, lo 31 de mai de 2011.
 
 
Un combat dificil
 
Per empedir l’installacion dels comptadors Linky, lo combat s’anóncia mai dificil, segon çò que se rapòrta sus lo sit web Bibi Cabaya. “ERDF a pas besonh de passar sus nosautres, solament li cal entrar en contacte dirèctament amb los particulars qu’an pas drech a priòri de refusar l’installacion del comptador”, çò remembra aquel sit, en citant un article de Le Figaro.
 
“Non es pas gaire clar” qu’aqueles comptadors sián proprietat de las comunas, çò explica Lhomme. “Èm a trabalhar dab plusors associacions entà estar au punt suu plan juridic. Preparam ua deliberacion que deuriá estar votada en genèr. Aquera decision serà sens dobte atacada per ERDF, benlèu quitament per lo prefècte, mes avèm temps: segon lo sit Internet d’ERDF, lo desplaçament de Linky non començarà pas abans 2021 dens la nòsta comuna”, çò precisa.
 
Doas comunas e un grop d’abitants an ja jonch lo combat de Sant Macari contra lo comptador Linky, çò explica Lhomme, e cèrcan de “crear un ret de comunas, pr’amor qu’avèm plan consciéncia de començar un combat contra grops hòrt poderós, deu temps que nosautes èm petitets”.

 

De legir:
— Le Figaro: Électricité: le compteur «intelligent» Linky arrive chez vous
Bibi Cabaya: Une commune veut bannir les compteurs Linky e Gazpar
20 Minutes: Le nouveau compteur électrique Linky menace-t-il votre santé, votre liberté et votre sécurité?

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Puput
11.

#8 Ieu soi d'aqueles que son pas scientistas, que practican lo dobte e la remesa en causa d'unas certituds scientifico-scientificas d'uèi, mas me podi pas prononciar absoludament sus la vertat o la faussetat de tala o tala causa (podi pas dire ço qu'es absoludament fals o absoludament verai), podi solament dobtar, e dobti per exemple del fach que tota onda sia inofensiva per natura (me fa me pensar que pel passat i aguet de causas que nos avian dich que i avia pas cap de dangier, coma l'amianta per exemple, mas es pas question d'onda aqui). Ten la radioactivitat, es plan una onda, non ? Es nosiva, non ? Depend benlèu de las quantitats recebudas, me diretz.
Enfin, ieu soi mesfisent sens èsser parano (m'empacha pas d'utilizar de portables mas amb un usatge moderat). Me faràn pas creire que tot ço novèl es forçadament sens dangier, ten los ogms, aurian pas pogut prene mai de temps per avalorar los perilhs ? Mas que non, i a trop d'interesses economics en joc.
Bon, per plan dire, sabi plan que se cal pas fisar "cos e anma" a tala o tala doctrina tota scientifica que sia, cal pas dire amen a tot. Empacha pas que de descobertas fondamentalas son estadas fachas per la sciéncia. Soi pas d'aqueles que creson que la terra es plata (oc-ben, n'i a qu'o creson encara en metent en dobte l'onestetat dels scientifics, dels astronautas, dels governs e tutti quanti... ah... las teorias de la conspiracion) o autra sornetas aital.
(desencusatz-me per los accents)

  • 0
  • 0
Puput
10.

#8 Ieu soi d'aqueles que son pas scientistas, que practican lo dobte e la remesa en causa d'unas certituds scientifico-scientificas d'uèi, mas me podi pas prononciar absoludament sus la vertat o la faussetat de tala o tala causa (podi pas dire ço qu'es absoludament fals o absoludament verai), podi solament dobtar, e dobti per exemple del fach que tota onda sia inofensiva per natura (me fa me pensar que pel passat i aguet de causas que nos avian dich que i avia pas cap de dangier, coma l'amianta per exemple, mas es pas question d'onda aqui). Ten la radioactivitat, es plan una onda, non ? Es nosiva, non ? Depend benlèu de las quantitats recebudas, me diretz.
Enfin, ieu soi mesfisent sens èsser parano (m'empacha pas d'utilizar de portables mas amb un usatge moderat). Me faràn pas creire que tot ço novèl es forçadament sens dangier, ten los ogms, aurian pas pogut prene mai de temps per avalorar los perilhs ? Mas que non, i a trop d'interesses economics en joc.
Bon, per plan dire, sabi plan que se cal pas fisar "cos e anma" a tala o tala doctrina tota scientifica que sia, cal pas dire amen a tot. Empacha pas que de descobertas fondamentalas son estadas fachas per la sciéncia. Soi pas d'aqueles que creson que la terra es plata (oc-ben, n'i a qu'o creson encara en metent en dobte l'onestetat dels scientifics, dels astronautas, dels governs e tutti quanti... ah... las teorias de la conspiracion) o autra sornetas aital.
(desencusatz-me per los accents)

  • 0
  • 0
Puput
9.

#8 Ieu soi d'aqueles que son pas scientistas, que practican lo dobte e la remesa en causa d'unas certituds scientifico-scientificas d'uèi, mas me podi pas prononciar absoludament sus la vertat o la faussetat de tala o tala causa (podi pas dire ço qu'es absoludament fals o absoludament verai), podi solament dobtar, e dobti per exemple del fach que tota onda sia inofensiva per natura (me fa me pensar que pel passat i aguet de causas que nos avian dich que i avia pas cap de dangier, coma l'amianta per exemple, mas es pas question d'onda aqui). Ten la radioactivitat, es plan una onda, non ? Es nosiva, non ? Depend benlèu de las quantitats recebudas, me diretz.
Enfin, ieu soi mesfisent sens èsser parano (m'empacha pas d'utilizar de portables mas amb un usatge moderat). Me faràn pas creire que tot ço novèl es forçadament sens dangier, ten los ogms, aurian pas pogut prene mai de temps per avalorar los perilhs ? Mas que non, i a trop d'interesses economics en joc.
Bon, per plan dire, sabi plan que se cal pas fisar "cos e anma" a tala o tala doctrina tota scientifica que sia, cal pas dire amen a tot. Empacha pas que de descobertas fondamentalas son estadas fachas per la sciéncia. Soi pas d'aqueles que creson que la terra es plata (oc-ben, n'i a qu'o creson encara en metent en dobte l'onestetat dels scientifics, dels astronautas, dels governs e tutti quanti... ah... las teorias de la conspiracion) o autra sornetas aital.
(desencusatz-me per los accents)

  • 1
  • 0
Pierre LACHAUD Dournazac
8.

#7 Si un scientific contestava la sciença, mòrt seria dau prumier còp en tant que scientific, subretot dins lo domeine medical. Oc-es sei dins l'autre camp ente se tròba daus ecologistes, daus scientifics contestataires, daus representants de comerci qu'an preferat chausir un autre mestier, daus medecins qu'an preferat devenir terapeuta, daus psicologues dissidents de Freud, daus monde influençar per los bodistes, per los chamans, dau monde contestataires de la religion, dau monde que disan : "partajam de las ideias e non pas me bota en opausicion emben tu", dau monde que volan trobar de las qualitats chas l'autre... E dins aquel camp i a mai de scientifics que chas los occitanistes barrats darrier lòrs certitudas; mas parlan pas occitan.
Vos saluda plan.

  • 0
  • 1
Gaby Balloux Clarmont
7.

#5

Quò's bien çò que disi, depend de les frequenças. E les pus hautas frequenças, donc les pus cargadas en energias, corresponden aus rais gamma, apui aus rais X, apui aus UV, apui vèn la lutz visibla pui los IR, e enfin les micro-ondas/ondas TV/radiò etc. qu'an donc les pus bassas frequenças. Donc perqué la lutz visibla seré pas dangeirosa, sivant vos ? Perqué es visibla, donc coneishuda, e l'apèram pas ''onda'', donc a pas de connotacion pauruga.

E se vòletz reméter en causa tota la sciença, demb sa logica, ses leis, ses desmontracions, perque es influençada per los lobbies, qué nos damòra se vos plai ? Vau mèi seguir les barlocadas de goros magnetò-vibrò-spiritualistas ? Belèu mès vos ec dèishi.

  • 5
  • 0

Escriu un comentari sus aqueste article