Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaMauras

Cavalaira: l’òme que tuèt un policièr municipal se suicida mentre que los gendarmas lo percaçavan

Auriá tirat diluns passat contra dos policièrs municipals, qu’un d’eles moriguèt l’endeman a causa de las feridas

Lo tiraire presumit qu’auriá tuat un policièr municipal e ferit un autre, diluns passat a Cavalaira (Mauras), se suicidèt dimars passat de ser, al moment d’èsser interpelat per la polícia al Raiòu Canadèu. Après tirar contra los gendarmas que lo percaçavan, virèt l’arma contra el, segon çò que rapòrta Nice Matin.
 
Se tracta d’Elie Verbasco, un òme de 65 ans, percaçat dempuèi diluns passat de ser après tirar sus dos policièrs. Los agents ferits, qu’un d’eles moriguèt l’endeman a causa de sas feridas, èran anats a son domicili per metre fin a una discòrdia familhala. Après fusilhar los policièrs, Verbasco fugiguèt sus un qüad.
 
Aquel presumit assassin, Elie Verbasco, èra una “figura locala” a Cavalaira. Foguèt durant fòrça ans coralhièr professional e cabussaire. Èra conegut per sos antecedents violents e psiquiatrics.
 
Lo sindicat FA-FTP de la polícia municipala se demanda cossí un òme coma Verbasco podiá aver un fusilh. “Desmembram ben sovent que la màger part deis armas en circulacion en França son d’armas declaradas, d’armas de caça, d’armas de tir esportiu. Atanben se podèm interrogar sus lo fach qu’un particular, amb d’antecedents violents e psiquiatrics, pòsca èstre en possession d’un fusiu M16”, çò publica Var Matin.
 
Lo policièr que moriguèt èra un òme de 43 ans originari de Cantal, que resistiguèt pas a las feridas après èsser menat a l’Espital Pasteur de Niça.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article