Bandièra01 1180x150: Comuna de Tolosa

Actualitats

Lo Polisario a obtengut que s’anulle l’acòrdi agricòla entre l’Union Europèa e Marròc

La Cort de la Justícia de l’UE considèra que l’acòrdi viòla lo drech internacional e los engatjaments a respècte del Sahara Occidental

La Cort de la Justícia de l’Union Europèa anullèt dijòus passat l’acòrdi comercial suls produches agricòlas, signat en 2012 entre lo Reialme de Marròc e l’Union Europèa (UE), un acordi que beneficiava fòrça a l’economica marroquina. Lo tribunal europèu a pres sa decision en favor del Front Polisario, que considèra que l’aplicacion d’aquel acòrdi viòla lo drech internacional e los engatjaments de l’UE a respècte del territòri del Sahara Occidental.
 
La decision de la cort especifica pas s’aquela anullacion serà retroactiva amb los efièches ja produches per l’Acòrdi sus l’Agricultura, qu’a significat basicament una seguida de reduccions de dreches de doana pels produches marroquins (mai que mai de frucha, de legum e de produches de la pesca). Pendent lo jutjament, lo Front Polisario a demandat solament l’“anullacion” de l’acòrdi.
 
La Cort de la Justícia de l’Union Europèa, amb sedença a Luxemborg, a donat doncas de vam al Polisario dins la batalha diplomatica per la reconeissença de la Republica Aràbia Saharauí Democratica (RASD). Lo tribunal reconeis que lo Front  Polisario es dirèctament afectat per l’acòrdi ara contestat e avertís que “lo Conselh [Europèu] compliguèt pas son obligacion de verificar se l’esplecha de las ressorsas naturalas del Sahara Occidental jos lo contraròtle marroquin se fa o pas pel benefici de la populacion d’aquel territòri”.
 
Lo Conselh Europèu deu decidir ara se s’apèla de la senténcia o se l’executa dirèctament.
 
 
Un país de descolonizar
 
Lo 14 de novembre se compliguèt 35 ans de la partença de l’estat espanhòl dels territòris de la Republica Aràbia Saharauí Democratica. Après la partença dels espanhòls, los saharauís proclamèron la lor independéncia mas l’invasion marroquina provoquèt un conflicte qu’encara es luènh d’èsser resolgut.
 
Aquel país foguèt considerat coma una partida del territòri espanhòl de 1884 a 1976. Considerat a partir 1934 coma una província espanhòla de mai, vegèt coma la consciéncia nacionala dels sieus abitants se despertava pendent los ans 1970 del sègle XX. Foguèt en 1973 que lo grop de resisténcia Front Polisario comencèt la lucha contra los colonizaires espanhòls. Eles reconeguèron lo drech d’autodeterminacion d’aquel pòble en 1976 mas permetèron que los marroquins e los mauritans los envasiguèsson aquel meteis an.
 
L’invasion comencèt quand Marròc lancèt 300 000 civils contra las frontièras del Sahara Occidental en 1975. En aquela epòca, lo dictator espanhòl Franco èra a mand de morir e foguèt lo nòu rei Joan Carles Ir que signèt l’abandon del territòri, maldespièch los dreches dels sieus abitants.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igulada (PP.CC.)
1.

És important, de mica en mica s'omple la pica, els del Polisàrio, necessiten tot el suport.
Gràcies.
"El Tàrrega".

  • 0
  • 0

Escriu un comentari sus aqueste article