Bandièra01 1180x150: Comuna de Tolosa

Actualitats

Un jove a esperat quatre ans per reglar sos comptes amb Rajoy

Lo jove foguèt mespresat sus Twitter pel president espanhòl dins la campanha electorala de fa quatre ans, e dins la campanha actuala o a ramentat

Lo 20 de decembre que ven i aurà d’eleccions legislativas dins l’estat espanhòl, que los ciutadans i causiràn los deputats e los senators. Ara, dins una campanha electorala marcada pels nombroses cases de corrupcion, per l’irrupcion de nòus partits politics e per lo procès d’independéncia de Catalonha, se passan d’anecdòtas de tota sòrta.
 
Dimècres passat, lo president espanhòl en foncions foguèt victima d’una agression. Un jove li donèt un còp de ponh mentre que Rajoy se passejava per carrièras de Pontevedra (Galícia). Totun, es pas aquela anecdòta que nos a atirat l’atencion, mas una autra plan mens condemnabla.
 
Fa quatre ans, just abans las eleccions espanhòlas anterioras, un jove qu’a nom Rubén Aranguren e qu’alavetz aviá quinze ans s’adreicèt per Twitter al compte oficial de Mariano Rajoy, president del país e candidat a la presidéncia, en li demandant ont podiá trobar lo programa electoral del PP. Rajoy li respondèt amb mesprètz: “15 ans? Que vos sembla s’esperam un pauc per debatre de politica? Mercés”, çò fiulèt Rajoy.
 

 
Ara lo meteis jove, qu’es desenant dins sos dètz e nòu ans, a remembrat aquela fiulada de Rajoy en li disent: “Que vos sembla se debatèm ara de politica? Ara soi pro grand? Me mespresèretz a 15 ans. Lo 20 de decembre comptes pas amb lo mieu vòte”.
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Què pensi amb la gent que s'ha suicidat perquè li han pres la casa, a Mallorca se'n suicidaren sis, a Galícia quants n'hi ha hagut, en tot l'estat : molts. Quantas famílias han perdut la feina ? Mil milions d'euros que va deixar als seus amics dels bancs privats, i no los han tornat. Hi ha quatre milions d'aturats, i diuen que l'economia va bé. En lo debat que feu amb lo del PSOE, en lo qual Pedro Sanches li donà una passada. Doncs ell li deia, Però què he fet jo ? Me diga vostè què he fet jo ? Semblava que no n'era conscient de qu'ell és lo president del Govern. Ha estat un polític orrorós. E ara els bancs privats com lo Sabadell estan pagant la campanha als anticatalanistes de N'Alberto

  • 2
  • 0
Pirolet
1.

Es que tot en essent non violent la man prusís d’enviar un revira-vai-t’en a un cinic coma lo Raxoi, e d’autres qu’avèm nosautres dins l’exagòn. Sembla que lo jove que li envièt lo còp de punh es de sa quita familha. S’es verai, motivacion dobla!

  • 3
  • 0

Escriu un comentari sus aqueste article