Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaCrau

Inès de la Fressange e Denis Olivennes enseguits en justícia per lor èx-emplegada

La lotjavan dins una barraca illegala qu’ela ne deviá pagar la logacion e, en setembre, la licencièron après qu’ela refusèt de prene l’estatut d’autoentrepreneira

Inès de la Fressange
Inès de la Fressange | Georges Biard
L’èx-modèl de mòda Inès de la Fressange e son conjonch, l’entrepreneire Denis Olivennes, son enseguits per la justícia per trabalh dissimulat e licenciament abusiu, çò rapòrta Le Canard Enchaîné. Los a denonciats una èx-emplegada, lotjada dempuèi dos ans dins una barraca al costat de lor bastida provençala construcha illegalament.
 
Lo parelh de celebritats de Provença vivon dins un mas nomenat lo Pas de Boquet, a Tarascon (Crau): es una proprietat de 9 ectaras que conten un ostalàs d’un centenat de mètres cairats bastit illegalament dins la zòna naturala protegida de la Montanheta. Lo 17 d’agost, la cort d’apelacion d’Ais de Provença condemnèt Inès de la Fressange a far demolir la bastida. En mai d’aquò, Le Canard Enchaîné a publicat qu’al costat de la bastida i aviá una barraca de fusta ont i lotjavan la “governanta”, Dòna Chantal Moreau, una femna de 55 ans que s’ocupava de tot l’entretenement del sit, çò es, las bassas besonhas, susvelhar lo domeni, entreténer la piscina, far las crompas al supermercat, menar en auto los enfants a l’escòla e endacòm mai. Per tot aquò Moreau aviá un salari de 1560 èuros bruts per mes, dont ela deviá sostraire 350 èuros per pagar la logacion del mobil home ont la lotjavan amb son filh.
 
Lo setmanièr satiric francés revèla qu’al començament de decembre comencèt lo procès judiciari. Chantal Moreau foguèt licenciada en setembre après aver refusat de prene l’estatut d’autoentrepreneira. A partir d’alavetz Inès de la Fressange e Denis Olivennes arrestèron de li pagar son salari. La justícia a condemnat lo parelh glam chic de pagar a Moreau 4680 èuros de pagaments endarrierats. Mas l’afar aurà de seguidas pr’amor que de la Fressange s’es apelada de la decision.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
3.

#1 E òc, la "gauche-caviar", que ne va coma del solelh negra, de l'aiga sèca e del fòc gelibrat…

  • 9
  • 0
Pirolet
2.

A! Es polida la maridariá! En mai d’aquò apelan de la decision: devon aver lo sang “blu” que balha lo drech d’espleitar lo brave mond sens remòrs.

  • 9
  • 0
provençau
1.






Aquò's la vertadièra cara de la "gauche caviar" !

  • 7
  • 0

Escriu un comentari sus aqueste article