Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Bon jorn des aninòs tà toti

| Pictures of Money
Ua tradicion aranesa deth prumèr dia der an que son “es aninòs”. Pendent aqueth dia, quan dues persones se tròben, se saluden en tot díder “Bon jorn des aninòs!”. Eth prumèr a dide’c qu’a dret qu’er aute e li convide a béuer quauquarren, o li dongue bèth sò.
 
Tradicionauments, eth prumèr dia der an qu’ère fòrça concorrut pes carrèrs e pes cases dera Val d’Aran. Era mainadèra qu’anaue a vesitar es sòns pairins entà desirar-les qu’auessen ua bona annada en tot recitar era cançoneta:
 
“Bon dia e bon an,
e aninòs vos demanam
peth maitin de Cap d’An.”
 
Alavetz, eth pairin que responie en tot pagar es estrenes ath hilhòu, qu’ei çò qu’en aranés se’n ditz “es aninòs”.
 
E adès que vos è desirat un “bon jorn des aninòs”, be podètz hèr-vos sòcis des Amics de Jornalet o ajudar-mos en tot hèr un don.
 
 
 
 
Ferriòl Macip

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article