Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Eth jòc der aranés, occitan d'Aran

Escolans de 15 e 16 ans que protagonizen eth "Picaletres" en Lleida Television e Aran-TV





Aguesta setmana que torne tara Val d'Aran eth "Picaletres", un concors televisiu sus era coneishença dera lengua protagonizat per escolans de 3au d'ESO (gojates e gojats de 15 e 16 ans). Eth concors se poderà veir cada dia pendent aguesta setmana per Lleida Television e per Aran TV.





Picaletres qu'ei un concors escolar de Catalonha que, adaptat ar occitan, viatge per dusau an ena Val d'Aran entà qu'es joeni escolans de 3au d'ESO der Institut d'Aran (ensenhament segondari) mòstren era sua abilitat damb er occitan aranés. Lleida Television qu'emet pendent aguesta setmana es eliminatòries deth concors e era grana finau, a on concorreràn es dus grops qu'agen artenhut mès punts enes fases prealables. Eth concors se pòt veir entàs 13h30 e en redifusion entàs 19h30. Se pòt tanben veir per Internet sus eth sit d'Aran TV.
 
"Picaletres" qu'ei ua produccion d'Antàrtida TV e compde damb era collaboracion deth Conselh Generau d'Aran. Eth jornalista Manu Moga que presente eth programa, enregistrat ena escòla Garona de Vielha.

Ferriòl Macip

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article