Bandièra01 1180x150: Comuna de Tolosa

Actualitats

De manifestacions nombrosas e pluralas pels dreches dels presonièrs politics bascos

Reclaman la fin de la dispersion dels presonièrs e mai la fin d’autras mesuras especialas que l’estat espanhòl las aplica solament als presonièrs bascos

Se debanèt dissabte a Bilbao (Bascoat) e a Baiona (Bas Ador), coma cada annada, de nombrosas manifestacions que demandavan encara: “Dreches Umans, resolucion e patz, los presonièrs bascos al Bascoat”. Las manifestacions, convocadas pels collectius Sare e Bagoaz, recebèron ongan de sostens mai nombroses e mai plurals que jamai. I aguèt mai de 63 000 personas a Bilbao e mai de 8000 a Baiona segon çò que rapòrta Gara.
 
Aquelas manifestacions reclamavan la fin de la dispersion dels presonièrs e mai la fin d’autras mesuras especialas que l’estat espanhòl las aplica solament als presonièrs bascos.
 
Los collectius Sare e Bagoaz remembran que defendon pas una posicion ideologica ni de cap de partit, mas que luchan per “una causa tant universala coma la defensa dels dreches umans per totas las personas, e doncas tanben per aquelas que son privadas de libertat”.
 
Aquelas manifestacions se debanèron un dia abans lo cinquen anniversari de l’alta al fuòc declarada per ÈTA lo 10 de genièr de 2011. 




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega". Igualada (PP.CC.)
1.

Siguin a on siguin, els possin a on els possin, sempre sel's tindrà en el fons del cor,els van lluitar per la
llibertat i l'independència d'Euskalerria, i crec que vista la situació, això no és un crim, encara que sigui pel mètode equivocat.
Tota la solidaritat per ells.
Visca la Terra...Lliure!
Amb tot el suport:
L'Ernest, "El Tàrrega".

  • 0
  • 0

Escriu un comentari sus aqueste article