Mette Gjerskov, deputada del grop socialista del parlament danés, a levat una intensa polemica dins lo sieu país quand a explicat que Facebook li aviá censurat una fotografia de la famosa escultura de la Pichona Serena, que se tròba al pòrt de Copenaga.
 
Segon la deputada, Facebook l’avertiguèt que se podiá pas publicar aquela fotografia perque mostrava un còrs femenin nus. Puèi, la societat del ret social, en vesent l’escàndol que s’èra levat, rectifiquèt e permetèt que se difondèsse l’imatge.
 
Fa qualques meses que Facebook esclarziguèt que sa politica d’enebir un imatge de còrs nus afectava pas las òbras d’art. Pasmens, lo logicial encargat de ne far la deteccion es pas pro fin encara.

---