Actualitats
L’Union Europèa estúdia se deu aplicar l’article 7 del Tractat sus l’Union Europèa contra Polonha
A dobèrt una enquèsta sus l’accion del govèrn polonés per determinar se viòla los dreches democratics dels ciutadans
L’Union Europèa a decidit de dobrir una enquèsta preliminara sus qualques unas de las reformas del nòu govèrn conservator polonés. Concretament, son las leis dels mèdias e del Tribunal Constitucional. E mai se son pas dirèctament contràrias a la legislacion de l’UE, si que pausan de questions a Brussèlas en çò que tanh a l’estat de drech.
Frans Timmermans, vicepresident de la Comission Europèa, diguèt ièr que las autoritats europèas son preocupadas per aqueles cambiaments que considèran que son incompatibles amb un estat de drech. Per tant, la Comission presentarà una primièra avaloracion de la situacion que, en acòrdi amb lo procediment establit en març de 2014, esclarzirà se i a una “menaça sistemica contra l’empèri de la lei” en Polonha. Se se’n conclutz que òc, la Comission dobrirà un dialòg que servirà d’avertiment, en concedissent a Polonha la possibilitat de respondre. Se la procedura avança, l’Union Europèa aplicarà l’article 7 del Tractat sus l’Union Europèa que li permet de sancionar un estat membre qu’adòpta de proceduras antidemocraticas. L’aplicacion d’aquel article significariá que Polonha perdriá lo drech de vòte dins l’UE.
“Las intencions de la procedura qu’activam son d’esclarzir los faches objectivament, d’avalorar la situacion mai prigondament e d’iniciar un dialòg amb las autoritats polonesas, sens prejudici de las possiblas mesuras addicionalas”, çò precisèt Timmermans. El meteis a mandat personalament doas letras al nòu govèrn polonés après las eleccions d’octòbre passat, ganhadas per los conservators del partit Lei e Justícia (PIS) de Jarosław Kaczyński. Dins aquelas letras Timmermans exigís d’explicacions sus las nòvas leis.
Reaccion del govèrn polonés
Lo govèrn polonés a relativizat l’importància de la decision de Brussèlas. “Es un dialòg abitual e s’es pas pres cap de decision que pòsca aver un impacte negatiu dins las relacions entre Polonha e l’Union Europèa”, çò diguèt lo pòrtavotz del govèrn de Varsòvia.
Lo president polonés, Andrzej Duda, anarà diluns que ven a Brussèlas e la primièra ministra Beata Szydło vesitarà dimars lo Parlament Europèu, a Estrasborg.
Frans Timmermans, vicepresident de la Comission Europèa, diguèt ièr que las autoritats europèas son preocupadas per aqueles cambiaments que considèran que son incompatibles amb un estat de drech. Per tant, la Comission presentarà una primièra avaloracion de la situacion que, en acòrdi amb lo procediment establit en març de 2014, esclarzirà se i a una “menaça sistemica contra l’empèri de la lei” en Polonha. Se se’n conclutz que òc, la Comission dobrirà un dialòg que servirà d’avertiment, en concedissent a Polonha la possibilitat de respondre. Se la procedura avança, l’Union Europèa aplicarà l’article 7 del Tractat sus l’Union Europèa que li permet de sancionar un estat membre qu’adòpta de proceduras antidemocraticas. L’aplicacion d’aquel article significariá que Polonha perdriá lo drech de vòte dins l’UE.
“Las intencions de la procedura qu’activam son d’esclarzir los faches objectivament, d’avalorar la situacion mai prigondament e d’iniciar un dialòg amb las autoritats polonesas, sens prejudici de las possiblas mesuras addicionalas”, çò precisèt Timmermans. El meteis a mandat personalament doas letras al nòu govèrn polonés après las eleccions d’octòbre passat, ganhadas per los conservators del partit Lei e Justícia (PIS) de Jarosław Kaczyński. Dins aquelas letras Timmermans exigís d’explicacions sus las nòvas leis.
Reaccion del govèrn polonés
Lo govèrn polonés a relativizat l’importància de la decision de Brussèlas. “Es un dialòg abitual e s’es pas pres cap de decision que pòsca aver un impacte negatiu dins las relacions entre Polonha e l’Union Europèa”, çò diguèt lo pòrtavotz del govèrn de Varsòvia.
Lo president polonés, Andrzej Duda, anarà diluns que ven a Brussèlas e la primièra ministra Beata Szydło vesitarà dimars lo Parlament Europèu, a Estrasborg.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L’Union Europèa estúdia se deu aplicar l’article 7 del Tractat sus l’Union Europèa contra Polonha
A dobèrt una enquèsta sus l’accion del govèrn polonés per determinar se viòla los dreches democratics dels ciutadans. E sus França, que lo vòt democratic es anat a esquèrra puèi que lo govèrn actual, en responsa, impausa una politica de dreita, non dobrís pas cap enquèsta,, l'UE ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari