Bandièra01 1180x150: Comuna de Tolosa

Actualitats

Al bòrd d’una deflacion mondiala

La Banca Reiala d’Escòcia alèrta que l’economia del Mond descreisserà fòrça dins los meses venents

| Chandres
Recentament la Banca Reiala d’Escòcia (RBS) a conselhat a sos clients de se preparar per un an 2016 que poiriá èsser catastrofic pr’amor d’una granda crisi deflacionista mondiala, segon d’informacions del jornal anglés The Telegraph.
 
Aquela banca escocesa a confirmat que los mercats de tota la planeta mòstran ja de senhals d’alèrta economica que son plan semblables als que se recebèt qualques meses abans lo collapse de la banca Lehman Brothers en 2008, e que foguèt la pòrta d’intrada de la granda crisi globala qu’es demorada sus tot l’Occident fins en 2014.
 
“Pensam que las borsas europèas e mai Wall Street poirián tombar entre un 10% e un 20%”, çò a dich lo cap de crèdit de la Banca Reiala d’Escòcia, Andrew Roberts. “Los prèses del petròli Brent poirián arribar fins als 16 dolars per barril, çò que s’es pas jamai vist dempuèi 1999”.
 
 
La deflacion qu’arriba
 
E mai s’aquela organizacion aviá ja predich aquela crisi deflacionista en 2015, ara l’estonament es mai grand pr’amor que los faches se son produches fòrça mai lèu que çò qu’òm podiá pensar. Justament, per tant, la banca escocesa pensa que l’economia estatsunitenca descreisserà d’un 0,5% pendent los quatre primièrs meses de 2016 e qu’aquò serà patit per lo Mond entièr. “Las pòrtas de sortida son plan petitas”, çò confirmèt lo cap del departament de crèdit de l’RBS.
 
Las rasons, las cal cercar en China, un país que serà lèu l’epicentre d’aquela crisi deflacionista mondiala. Es ailà que la creissença economica es arribada a sos limits. Plan aviat China pòt veire una fugida massissa de capitals que forçarà la devaluacion del yuan chinés. Aquò seriá lo començament de la granda deflacion de 2016, çò dison los economistas d’aquela banca escocesa.
 
 
 
 
Christian Andreu



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
2.

Las crisis del sitèmi capitalista mondial son degudas al capitalisme, d'ont que siá. Marx l'expliquèt fòrça plan i mai sègle. Avèm lo driet de n'anar cossiroses, mas non pas suspreses. UNa banca "reiala" d'Escòssia ? De quin rei vòlon parlar ? Del Robèrt lo Brosse que tornèt préner Escòssia als Angleses ?

  • 3
  • 0
Lachaud Dournazac
1.

A! si quò es la fauta de China sem sauvats, dau moment que l'occident i es per ren.
Mas, quò es una crisa mondiala; quò es la fin dau materialisme, dau mercantilisme.
Sem obligeat de nos virar vers la solidaritat, la coperacion, l'entraida, la solidaritat, la patz per far faça aus problems que van pas tardar a arriebar: chaumatge, bancarota, scandalas financiers, paubretat, luchas per la subrevista...
Profitam n'en per crear una solidaritat entre occitans, entre regions occitanas. La Republica francesa a pus ren a ofrir a tots los frances. Fasam la França autrament e dins lo meme temps batissam Occitania. Si avetz pus ren, avem lo chant "se canta" mens sanhos que "La Marselhesa".
Lo grand cambiament es en chamin.

  • 5
  • 0

Escriu un comentari sus aqueste article