Actualitats
An empedit qu’Angela Davis vesite Arnaldo Otegi dins la preson de Logronh
L’activista estatsunidenca voliá exprimir son sosten e sa solidaritat al dirigent independentista basco
L’activista estatsunidenca Angela Davis, militanta del Partit Comunista dels Estats Units e de las Pantèras Negras, anèt dimenge passat fins a la preson de Logronh amb l’intencion de vesitar lo dirigent independentista basco Arnaldo Otegi. Pasmens, la direccion de la preson li i a refusat l’intrada, e mai se s’èran fachas totas las formalitats necitas per la vesita, segon los avocats que l’acompanhavan.
Davant la preson, Davis diguèt qu’èra un onor de poder èsser ailà coma “una de las mantas personas qu’an signat lo manifèst demandant la libertat d’Otegi e de totes los presonièrs politics del Bascoat”. “Ieu foguèri presonièra politica, e recebèri lo sosten e la solidaritat de fòrça personas, compreses de partits e de presonièrs politics bascos”, çò remembrèt.
Davis tanben considerèt deplorable lo fach d’aver pas pogut intrar dins la preson “simplament per aver una convèrsa amb Arnaldo Otegi”.
Es previst qu’Otegi siá liberat lo 1r de març, mas poirà pas ocupar cap de carga publica fins en febrièr de 2017. Dins un primièr moment, l’estat espanhòl l’inabilitèt politicament fins en 2020 mas Otegi demandèt l’opinion de la Cort Europèa dels Dreches Umans.
Arnaldo Otegi es en preson dempuèi octòbre de 2009 “pr’amor qu’a participat a la dobertura d’un periòde novèl de despassament de la violéncia al Bascoat”. Lo cap independentista basco es acusat d’aver ensajat de rebastir lo partit illegalizat Batasuna. L’acusan d’incitacion al terrorisme per lo vidèo d’un acte politic del sieu partit politic Batasuna. Solament a causa d’aquò, foguèt condemnat a sèt ans de preson.
L’enjòc politic que pòt aver lo Bascoat amb sa libertat pòt èsser grand pr’amor que plan d’analistas afirman que, s’Otegi podiá participar politicament a qualques eleccions de la comunautat autonòma basca, vendriá, plan probable, lo nòu lehendakari o president, çò que causariá un problèma de mai per l’estat espanhòl, qu’ara ja n’a un de grand amb Catalonha e lo sieu procès independentista. Es ben probable qu’Otegi ne començariá un autre al Bascoat.
Davant la preson, Davis diguèt qu’èra un onor de poder èsser ailà coma “una de las mantas personas qu’an signat lo manifèst demandant la libertat d’Otegi e de totes los presonièrs politics del Bascoat”. “Ieu foguèri presonièra politica, e recebèri lo sosten e la solidaritat de fòrça personas, compreses de partits e de presonièrs politics bascos”, çò remembrèt.
Davis tanben considerèt deplorable lo fach d’aver pas pogut intrar dins la preson “simplament per aver una convèrsa amb Arnaldo Otegi”.
Es previst qu’Otegi siá liberat lo 1r de març, mas poirà pas ocupar cap de carga publica fins en febrièr de 2017. Dins un primièr moment, l’estat espanhòl l’inabilitèt politicament fins en 2020 mas Otegi demandèt l’opinion de la Cort Europèa dels Dreches Umans.
Arnaldo Otegi es en preson dempuèi octòbre de 2009 “pr’amor qu’a participat a la dobertura d’un periòde novèl de despassament de la violéncia al Bascoat”. Lo cap independentista basco es acusat d’aver ensajat de rebastir lo partit illegalizat Batasuna. L’acusan d’incitacion al terrorisme per lo vidèo d’un acte politic del sieu partit politic Batasuna. Solament a causa d’aquò, foguèt condemnat a sèt ans de preson.
L’enjòc politic que pòt aver lo Bascoat amb sa libertat pòt èsser grand pr’amor que plan d’analistas afirman que, s’Otegi podiá participar politicament a qualques eleccions de la comunautat autonòma basca, vendriá, plan probable, lo nòu lehendakari o president, çò que causariá un problèma de mai per l’estat espanhòl, qu’ara ja n’a un de grand amb Catalonha e lo sieu procès independentista. Es ben probable qu’Otegi ne començariá un autre al Bascoat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
This is spain, no cal esperar-n'he res, cuand s'acvarà el troment que ocasiona aquest estat?
Visca la Terra...Lliure!
Amb Tú Otegui.
Visca la Terra...Lliure !
"El Tàrrega".
.
Vergonha da Espanha, Otegi es pas presonièr, es un ostatge! Otegi liure! Free Mumià!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari