Bandièra01 1180x150: Comuna de Tolosa

Actualitats

45 000 refugiats sirians estancats a la frontièra de Turquia

E mai se contunha l’exòde de civils que fugisson la guèrra, la frontièra de Turquia es barrada

| Freedom House
L’exòde de ciutadans sirians que fugisson la guèrra s’arrèsta pas. Los darrièrs combats e la destruccion d’Alèp an provocat una nòva fugida massissa de civils. Aperaquí 45 000 personas se tròban estancadas en Siria davant la frontièra de Turquia, qu’a barrat sas frontièras al pas dels refugiats.
 
Lo govèrn turc es a emplegar un doble discors. D’un costat, lo president turc assegurava ièr qu’èra dispausat a aculhir, “se cal”, los desenats de milièrs de desplaçats que fugisson Alèp, çò que raportava Reuters. Mas la frontièra es solament dobèrta per daissar passar los ferits.
 
Segon Mètges Sens Frontièras (MSF), la situacion es de mai en mai desesperanta. Son ja 45 000 los refugiats qu’espèran de poder fugir la guèrra e que son dins de camps al bòrd de la frontièra. “Nos cal dobrir las pòrtas per intrar en Turquia pr’amor que podèm pas demorar aicí. Siria es destrucha e aicí sèm pas en seguretat. I a de bombardaments, d’atacas e d’avions que nos subrevòlan. Podèm pas manco dormir”, çò declarava Dilal Cuhmani, coma o raportèt TV3.
 
La situacion dins los camps de refugiats es fòrça complicada, i a pas pro de forniduras per totes. En agost de 2013 publiquèrem un reportatge sus la situacion del camp de Zaatari. Ara las condicions son fòrça mai inumanas.




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
2.

L'EI e la Turquia volen arrestar l'avanç de las tropas sirias, que estan aconseguint tampar la frontera amb Tuquia, per on envian a l'EI armas e provisions de tota mena. Mas la propaganda del pentagon està a favor de que la guerra continui, li es igual los refugiats .

  • 0
  • 0
SEMPERVIRENS
1.

45 mil peronnas se tròban restancadas ( e non pas estancada) segons lo diccionari tot en oc estancar significar arrestar l'escolament d'un liquid (fig) apasimar la set en bèure, an rason, mai lo dicò dona pas lo vèrb restancar que s'emplega abord aici e que balha la restanca, sinonime de faissa, de bancau, bancada, restancar la terra e l'aiga sensa oblidar la tanca, ,barra de ferre que se mete darrier una pòrta per la,sarrar coma disèm aici, tot en oc balha lo s. restanca, en occitan centrau , aquò dich, gràcia a Putin, lei protestants de l'islam son en tren de ganhar la partida , e devèm se ne felicitar, es lo mendre mau

  • 2
  • 11

Escriu un comentari sus aqueste article