Bandièra01 1180x150: Comuna de Tolosa

Actualitats

De milièrs de refugiats se tròban atrapats a la frontièra de Macedònia

Grècia avertís que lo nombre d’“atrapats” arribarà a 70 000 lo mes que ven

Qualques milièrs de refugiats que se tròban atrapats en Grècia ensajan dempuèi qualques jorns de trencar la barralha frontalièra d’accès en Macedònia, çò qu’a provocat una repression fòrça dura de la polícia. Lo president de Macedònia, Gjorge Ivanov, avisa qu’es obligat de barrar sa frontièra puèi qu’Àustria decidiguèt d’acceptar pas mai de refugiats. Macedònia tampa aital la rota dels Balcans, la principala pòrta d’intrada en Euròpa dels refugiats que fugisson las guèrras en Siria, Iraq e Afganistan.
 
Las tensions fòrtas arribèron diluns passat quand las autoritats macedonianas barrèron la frontièra. Aquesta foguèt doberta dimenge de nuèch pendent sèt oras e permetèt lo passatge de 300 personas amb lo ciutadanatge sirian o iraquian, qu’èran las solas amb lo passatge autorizat.
 
Despuèi qu'Àustria e los païses balcanics limitèron lo nombre de migrants que pòdon intrar dins lors territòris, aperaquí 7000 refugiats deambulan per las estradas del nòrd de Grècia sens saber ont anar. Grècia avertís que lo nombre d’“atrapats” arribarà a 70 000 lo mes que ven.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc Palma de Mallorca
1.

Los refugiats han de retornar a son país se son de Siria, e posar-se a reconstruir-lo. Lutar per son país, contra l'EI, los turcs, los saudites, los del pentag... Los russos los ajudaran aquest pic.

  • 1
  • 10

Escriu un comentari sus aqueste article