CAPÇALERA2: AMICS DE JORNALET

Jornalet, gaseta occitana d'informacions

Divendres, 28 de julhet

Actualitats

Dimars, 8 de març de 2016, 03h00 Espòrt

Rugbi de XIII: e repiula lo canari...

Se l’ataca e la circulacion de la palma vos agradan, res non val seguir de partidas de rugbi de XIII!


Comentaris Cap de comentari    
Marrit Flac Bon Plan bon Fabulós (1 vòte)
carregant En cargar


L’arrièr Gigot marca un ensag pels Dragons





Etiquetas
roch, rugbi xiii, xiii

Lo revenge del canari
 
Dimenge, a Carcassona, l’ASC èra en apèl de son eliminacion en Copa a Lesinhan fa una quinzenada. Las donadas èran diferentas. Las formacions èran modificadas en rason de nafraduras e un pauc experimentalas e forçadas; de tres-quarts en segonda linha, de juniors incorporats... E se Lesinhan dobriguèt la marca, la seguida foguèt del tot en tot carcassonesa: 8 ensages amb tres per l’alièr Alexis Escamilla e cinc transformacions de Maxime Gressèque dessenhèron la larga victòria locala: 44-4. Dimenge, novèl dèrbi de tria: Carcassona anarà rendre vesita a Limós, lo jorn del jutjament de Carnaval!
 
En pola 2, los Dragonets se mostrèron sens pietat a Albi 64-4 e, en pola 3, Palau s’impausa a Vilanòva: 31-24. Aquesta dimenjada, los Dragonets recebràn Avinhon e Tolosa recebrà Vilanòva.
 
 
Lo Dragon sap viatjar
 
L’an passat, los Dragons capitèron pas de ganhar una sola partida a l’exterior. Per la sason novèla e per sortir del mal sòrt, desmarrèron fòrt a Wakefield per menar 26 a 0, a la 25a minuta. Aquí, los Gats-Fèrs sortiguèron las urpas per tornar a 26-12 a la pausa e a 26-22 a la represa. Mas tres ensages, l’un del mesclanha Miller e dos de l’arrièr Gigot, tenián los angleses a distància: 42-28, aprèp lo darrièr ensag de l’èx-Dragon Simon per Wakefield. Dissabte, gròssa partida en prevision a Brutus amb la venguda dels Lops de Warrington que ganhèron dijòus a Salford mercé a un tombat a la darrièra segonda: 31-30.
 
Divendres, victòria tanben d’un punt de Wigan en cò d’Hull-FC: 26-25 e Leeds signèt sa primièra victòria de la sason fàcia a Huddersfield: 20-16.
 
Tolosa entuta los Orses
 
Granda primièra, en Liga Un, pel Tolosa Olimpic aqueste dissabte de vèspre sus l’estadi de Blanhac amb una larga victòria suls Coventry Bears: 54-6. Novèla recepcion aqueste dissabte a 6 e mièja del vèspre amb la venguda dels Hemel Stags.
 
Los Lapinons son d’ataca
 
En Austràlia, se tenguèt la primièra jornada del campionat NRL. Dijòus, la primièra partida de la sason vegèt la victòria de Brisbane a Parramatta: 17-4. Divendres, los campions Vaquièrs se deguèron emplegar per batre las Làmias 20-14. Dimenge, dins lo grand dèrbi de Sydney, los Lapinons-Rabbitohs se mostrèron sens pietat pels Gals-Roosters: 42-10.
 


Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Catalonha e Aran: respectar la lei e lo referendum d’independéncia

Raportàvem, lo 14 de julhet passat, qu’Unitat d’Aran aviá publicat un comunicat en se manifestant contrària a la tenguda del referendum independentista del 1r d’octòbre ...
giny

Lo temps

Mapa
  • nuvols Agen 27 15
  • nuvols Aush 27 16
  • nuvols_parcials Bordèu 28 14
  • sol Briançon 28 12
  • sol Caors 26 14
  • nuvols Carcassona 25 17
  • nuvols_parcials Clarmont-Ferrand 26 14
  • nuvols Confolent 23 13
  • sol Gap 33 17
  • nuvols_parcials La Canau 28 14
  • nuvols_parcials La Gàrdia 28 17
  • sol La Torre de Pèlitz 30 21
  • nuvols Limòtges 23 13
  • sol Lo Borg Sant Dalmatz 32 19
  • sol Lo Puèi de Velai 26 13
  • sol Marselha 33 21
  • sol Montpelhièr 28 21
  • nuvols Naut Aran 23 14
  • sol Niça 28 14
  • sol Nimes 33 21
  • nuvols Pau 24 16
  • nuvols Peireguers 24 14
  • sol Rodés 31 13
  • sol Tolon 38 20
  • nuvols Tolosa 28 17
  • sol Valença 27 16

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Besièrs. © Melanie Laupies

    Besièrs

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Estivada 2013. © Guillem Sevilla

    Estivada 2013

  • © Laurenç Revèst

    Besièrs, preséncia d'occitan en ciutat e CIRDOC

  • Valadas. © Xavi Gutiérrez Riu

    Valadas

  • © Laurenç Revèst

    Fòrt Maginòt de Sant Anhe

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • A Gavotina marítima: Recabruna Cab Martin, a vila vielha e o castèl dau sécolo X

  • Ciutat de Draoníer. © Cristòu Daurore

    Ciutat de Draoníer (Val Maira)

  • Champsaurinòt. Sap de Chalendas a La Forèst Sant Julian

    Concors de preseps, betlèms o grépias

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Coserans al còr

  • Omenatge a Aragon. © Franc Bardòu

    Omenatge a Aragon

  • Asuèlhs comengeses. © Franc Bardòu

    Asuèlhs Comengeses

  • L'occitan per carrièras (concors de prima 2014)

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Autariba (Lauragués). © Caminòc

    18a Dictada Occitana

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)