Bandièra01 1180x150: Comuna de Tolosa

Actualitats

De manifestacions en Euròpa contra l’acòrdi de l'UE amb Turquia e las deportacions dels refugiats

Las protèstas se tenguèron dissabte en ocasion del Jorn Internacional per l’Eradicacion del Racisme e de la Xenofobia

Barcelona
Barcelona | Martí Crespo / Vilaweb
Un quarantenat de manifestacions pertot en Euròpa se debanèron dissabte passat. Protestavan contra l’acòrdi qu’an signat l’UE e Turquia e que permet despuèi ièr de deportar los refugiats qu’arriban en Grècia. En mai d’aquò, las protèstas se tenguèron en ocasion del Jorn Internacional per l’Eradicacion del Racisme e de la Xenofobia.
 
Las protèstas mai nombrosas aguèron luòc dins las vilas d’Amsterdam (Païses Basses), Barcelona (Païses Catalans), Beirot (Liban), Caerdydd (Galas), Copenaga (Danemarc), Dublin (Irlanda), Gasteiz (Bascoat), Iruña (Bascoat), Ljubljana (Eslovènia), Londres (Anglatèrra), Madrid (Espanha), Odense (Danemarc), París (França), Varsòvia (Polonha), Viena (Austria), Zurich (Soïssa).
 
Ça que la, es en Grècia que se concentrèron las manifestacions. Precisament lo país que viu sus plaça la crisi umanitària dels refugiats vegèt aqueste dissabte de protèstas nombrosas a Atenas, Chania, Ioannina, Lèsbos, Patras, Tessalonica, Volos e Xanthi.
 
En Austràlia manifestèron dins un dotzenat de vilas.
 
 


Editorial de Jornalet: #UErgonha!




Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

Un acord que dona lo diners per l'ajuda al refugiats a Turquia,qu'es la que vol la guerra e ajuda al EI.

  • 2
  • 0

Escriu un comentari sus aqueste article