Bandièra01 1180x150: Comuna de Tolosa

Actualitats

Masèl al còr d’Euròpa

Doas bombas an esclatat a l’aeropòrt e una autra al mètro de Brussèlas, près de las institucions europèas. Estat Islamic ne revendica los atemptats

Una seguida d’atemptats an terrorizat Brussèlas qualques minutas après 8 oras d’aqueste matin. D’en primièr, i a agut doas explosions fòrtas dins l’aeropòrt, e vèrs 9 oras una tresena bomba a esclatat dins l’estacion de mètro de Maalbeek, dins lo quartièr de las institucions europèas. Los mèdias locals parlan d'11 mòrts a l’aeropòrt e d'autres 15 al mètro. Los ferits se comptan per desenats. A l’ora d’ara, lo procuraire federal a confirmat aquela tragica chifra de 26 mòrts. I auriá mai de 170 ferits. La television flamenca ven de confirmar que los assalhidors èran de kamikazes.
 
L’aeropòrt es estat barrat e las autoritats demandan a la populacion que i ane pas. Lo govèrn a elevat al nivèl 4 l’alèrta, mai que mai pels aeropòrts, los mètros, las installacions nuclearas e lo pòrt d’Anvèrs. Tot lo transpòrt public de Brussèlas es arrestat. Los eurodeputats an recebut un comunicat que lor demanda de demorar dins la bastissa del Parlament Europèu per seguretat.
 
Fa qualques jorns, detenguèron a Brussèlas Salam Abdeslam, l’òme mai percaçat dempuèi los atemptats de París de novembre passat, que poiriá quitament èsser l’òme clau del chaple. La polícia lo capturèt dins lo quartièr brusselés de Molenbeek.
 
Podètz seguir las informacions en dirècte sus Euronews en francés:
 

 
 
Qualques usatgièrs de Twitter an publicat sul ret social d’imatges e de vidèos après las explosions.
 

 
De fach, Twitter es vengut una de las fonts d’informacion mai dirèctas d’aquel tragic eveniment.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

al-Muhadjir
19.

Que hornirèi simplament ua citacion de Maajid Nawaz qui refuta tant la diabolizacion com l’angelisme.
( https://www.youtube.com/watch?v=_7u_n5MpuNg )

“Los islamistas (los qui vòlen impausar ua version de l’islam a la societat) e los jihadistas (los qui emplegan la fòrça entà har adviéner l’islamisme) qu’an ua lectura plausibla de l’Escritura. Qu’ei inexacte, tà nosauts musulmans e tà totòm a l’esquèrra o au centre d’aqueth debat, de mantiéner que “los islamistas e los jihadistas n’an pas arren de véder dab l’islam”. Qu’ei un exercice de malaunestetat e pro.
Òc-ben quiò qu’an quauquarren de véder dab l’islam!
Que voi hornir qu’ei tot autant inexacte de díser que son l’islam tot, solide, estant que musulman soi e ne soi pas de Daesh, nimei islamista. E donc la responsa que serà en quauque lòc au demiei.
Com musulmans qu’am en davant de nos lo prètzhèit enòrme de començar lo procès d’adaptacion, de reinterpretacion de l’Escritura tà l’epòca modèrna. Despuish sègles ençà qu’ei un procès sabut deus musulmans e aperat “ijtihad”, o reinterpretatcion de l’Escritura. Malaja bèths musulmans uei, au lòc d’amassar lo berret, que s’abronqueishen au delà quan las causas e’n vienen ad aquò.”

(The islamists (those who want to impose a version of islam over society) and the jihadists (those who use force to bring about islamism) have a plausible reading of the Scripture. It’s incorrect for we as muslims, and generally those on the left or center of this debate, to insist that “islamists and jihadists have nothing to do with islam”. That’s actually an exercise in dishonesty.
Of course they have something to do with islam.
I will argue it’s equally incorrect to say they are islam per se, because of course I’m a msulim and I’m not Isis and I’m not an islamist. And so I think the answer is somewhere in the middle.
We as muslims have a monumental task ahead of us to begin the process of adapting, of reinterpreting our Scriptures for the modern day and age. [This has been for centuries] known by muslims as the process of ‘ijtihad’, or ‘reinterpretation of the Scripture’. Unfortunately many muslims today, instead of raising to that challenge, are incredibly defensive when it comes to this.)

  • 1
  • 0
Eric Gonzales PAU
18.

#16 Non, en França qu'ei normau.

  • 12
  • 4
Pirolet
17.

Marcamal se passèja! Avèm a l'encòp lo caval de Tròia e la cinquena colomna dins l'ostal.

  • 9
  • 12
Òlo Pujòlo
16.

Ei repugnant profitar era orror e dolor d'un atac terrorista entà hèr publicitat deth racisme e era islamofobia.

  • 15
  • 6
Francesc Palma de Mallorca
15.

Los governs de dreita europea al servici de la pentagona pas musical, que reben la consigna de sos amos,a los qual obeeissen cegament sense guaitar s' acò perjudica Europa. Donanlos diners d' Europa per lajuda als refugiats a los Turcs que son los que bombardejan als kurdes, e a Siria, e los que financian amb la compra del petroli a sos amics de l'EI raubat a Siria.

  • 2
  • 0

Escriu un comentari sus aqueste article