Entà fòrça mainadèra, e tanben entàs sòns pairs e mairs, quitar era chuqueta qu’ei un problèma. Entà convidar as mès petiti a abandonar-la e que contunhen eth sòn creishement coma mainatges e mainades, ena Val d’Aran que s’a quilhat ‘Er auet des Chuquetes’.
S’agís d’un arbe dedicat a tota era mainadèra que les a arribat eth moment e que pengen eth sòn chuquet en auet entà tostemp.
Er auet, plaçat en Plan Batalhèr, que s’inaugurèc diuendres passat, 17 d’agost, tàs 18h30. Er acte que compdèc damb era lectura deth conde ‘Ua chuqueta tar auet’, jòcs tara mainadèra, còca e chicolate tà toti.
‘Er auet des Chuquetes’ qu’ei ua iniciatiua ena que collabòren Conselh Generau d’Aran, SABS, era Bibliotèca Generau de Vielha, er Ajuntament de Vielha e Mijaran e era escòla mairau ‘Er audèth’ de Bossòst.
Ferriòl Macip
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es original. E mai es ben que sensibilisa los pichins.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari