Actualitats
Bascoat: la liberacion d’Otegi e las eleccions autonomicas marcan la fèsta nacionala
ÈTA a reaparegut en publicant un comunicat que planh qu’après cinc ans d’alta al fuòc, lo procès de patz siá pas començat
Coma cada Dimenge de Pascas, los sobeiranistas bascos an commemorat lo dich “Aberri Eguna” (lo Jorn de la Pàtria). Aquela jornada se celèbra dempuèi 1932 e ven cada an un termomètre del sobeiranisme basco. Ongan la celebracion es venguda mai que mai importanta après la liberacion d’Arnaldo Otegi, qu’a donat de vam als independentistas fàcia a las eleccions que se debanaràn la davalada que ven, mai que mai s’Otegi se pòt presentar coma candidat a lehendakari.
Coma es ja tradicional, lo Partit Nacionalista Basco (EAJ-PNB) faguèt un acte a miègjorn a Bilbao e EH Bildu jonguèt la celebracion convocada pel ret Independentistak a Pampalona. En mai d’aquò, Podèm organizèt un rescontre a Sant Sebastian.
Las eleccions de la davalada seràn un termomètre per l’independentisme basco, mai que mai amb la dificultat aponduda de l’espelida de Podèm que creis amb fòrça dins lo Bascoat. Dins las eleccions espanhòlas passadas venguèt lo partit mai votat en Bascoat, quitament davant l’EAJ-PNB. Aquel partit a reüssit a convéncer amb un discors que respècta la singularitat basca e lo drech de decidir.
Comunicat d’ÈTA
En ocasion d’aquela fèsta nacionala ÈTA a reaparegut en publicant un comunicat sul jornal Gara, que planh qu’après cinc ans d’alta al fuòc, lo procès de patz siá pas començat pr’amor que i a pas agut de dialòg amb los estats espanhòl e francés, ni mai amb las fòrças politicas bascas, levat lo Bascoat Nòrd.
Segon çò qu’ÈTA ditz dins aquel long comunicat, las consequéncias del conflicte son totjorn sens solucion, mai que mai, l’escuèlh principal per rapòrt als presonièrs que patisson una politica de dispersion, alonhament e d’autras mesuras especialas que l’estat espanhòl las aplica solament als presonièrs bascos.
Coma es ja tradicional, lo Partit Nacionalista Basco (EAJ-PNB) faguèt un acte a miègjorn a Bilbao e EH Bildu jonguèt la celebracion convocada pel ret Independentistak a Pampalona. En mai d’aquò, Podèm organizèt un rescontre a Sant Sebastian.
Las eleccions de la davalada seràn un termomètre per l’independentisme basco, mai que mai amb la dificultat aponduda de l’espelida de Podèm que creis amb fòrça dins lo Bascoat. Dins las eleccions espanhòlas passadas venguèt lo partit mai votat en Bascoat, quitament davant l’EAJ-PNB. Aquel partit a reüssit a convéncer amb un discors que respècta la singularitat basca e lo drech de decidir.
Comunicat d’ÈTA
En ocasion d’aquela fèsta nacionala ÈTA a reaparegut en publicant un comunicat sul jornal Gara, que planh qu’après cinc ans d’alta al fuòc, lo procès de patz siá pas començat pr’amor que i a pas agut de dialòg amb los estats espanhòl e francés, ni mai amb las fòrças politicas bascas, levat lo Bascoat Nòrd.
Segon çò qu’ÈTA ditz dins aquel long comunicat, las consequéncias del conflicte son totjorn sens solucion, mai que mai, l’escuèlh principal per rapòrt als presonièrs que patisson una politica de dispersion, alonhament e d’autras mesuras especialas que l’estat espanhòl las aplica solament als presonièrs bascos.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tot comença, el camí cap l'independència del Poble Basc ha començat, i crec que amb ells molts d'altres pobles també.
Tant difícil és entendre que hi ha gent que no és confroma amb les sobralles que els donen i que volen ésser lliures?
Tant costa veure que a un poble no se'l pot dominar en contra de la seva voluntat,i que si és així s'està comentent un greuje.
El poble Basc ha començat, que comenci tothom
"El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari