Lo banda de las Valadas, Cap Levat, ven d’avançar a Jornalet qualques tèmas: se poiràn escotar dins son disc entitolat Contra lo solelh que pareisserà en junh que ven. Los podètz descobrir dins los fichièrs àudio çai jonches.
 
Nascut en 2007 en las Val d’Estura, aquel grop de “musicaires apassionats de musica e cultura occitana” convidan al public que los escota e que los dança a “èsser plens d’orguelh per la cultura de sa tèrra”.
 
La formacion de Federico Silvestri, Michele Ravotti, Christian Giraudo, Gianluca Cavallo e Daniele Caraglio, prepausa de composicions originalas en lenga occitana “en reprenent lhi tòcs de la tradicion, mesclant lhi sòns pus tipics a estils modèrnes”. Cap Levat prepausan de “sons reirals e modèrnes” que segon eles “se butan ensems per donar una mesclaüra explosiva”.
 
Per mai d’informacion podètz vesitar lo sit web e tanben lor pagina Facebook.