Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaRoergueValon de Marcilhac

La fèsta del vin de Bruèjols o lo biais de festejar occitan

| -

Coma cada mes d’agost dempuèi 25 ans, lo vilatge de Bruèjols (Valon de Marcilhac) faguèt sa tan famosa fèsta del vin.


Aquesta dimenjada de fèsta que recampa de milierats de personas, es dedicada a la celebracion del vin eissut del plant apelat Saumancés, que balha sa particularitat al vin de Marcilhac.
 
Ça que la, lo succès d’aquesta festassa mòstra ben que despassam aquí lo monde vinhairon e que las gents s’amassan aquí per festejar tanben un cèrt biais de viure e de far fèsta plan occitan!
 
Los estanquets per carrièras, los emponts pels concèrts (bandas de coires, museta, cançon occitana, ròck…), las taulejadas per manjar produches del terrador, la granda parada dels carris colorats del dimenge, tot es aquí per rampelar la conviviéncia.
 
Cal dire que l’Homo Bruejolus cultiva aqueste temperament ribotejaire. Es davant lo mai grand tasson  del monde (tasta-vin de 4500 litres!) fargat per la 13a edicion de la fèsta, qu’en agost de 2010, se dancèt lo mai grand brisa-pè de l’Istòria ambe 1312 dançaires… Una desmesura a l’imatge de la generositat d’aquestes vilatjans qu’apelam "cambas rojas"!
 
 
 
 
Un festaire

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

La Bèstia Vacarés
1.

M'avètz creguda mòrta ? Volètz lo mieu pertrait ?…

  • 2
  • 0

Escriu un comentari sus aqueste article