Bandièra01 1180x150: Comuna de Tolosa

Actualitats

La polícia de Macedònia a atacat lo camp d’Eidomeni amb de gases lacrimogèns

Segon MSF i a mai de 300 ferits. L’atac cercava de reprimir los qualques centenats de refugiats que dimenge ensagèron de passar la barralha frontalièra

Dimenge passat de matin, de centenats de refugiats del camp d’Eidomeni ensagèron de passar lo passatge frontalièr amb Macedònia, barrat fa gaireben un mes, e qu’empedís de seguir la dicha Rota dels Balcans cap a Alemanha. De jornalistas e los activistas de las ONG que son sus plaça explican que dissabte circulava tornarmai la rumor que dimenge se dobririá la frontièra. Fòrça mond s’i rassemblèron e ensagèron de passar.
 
Davant la passivitat de la polícia grèga, los policièrs antisusmautas de Macedònia, ajudats per d’elicoptèrs, respondèron amb lo lançament de gases lacrimogèns dirèctament contra lo camp de refugiats d’Eidomeni, un sit qu’aculhís, dins de condicions precàrias, onze mila personas, dont quatre mila enfants.
 
Lo correspondent de Vilaweb sus plaça, Oriol Bäbler, explicava que qualques refugiats reüssiguèron a dobrir de traucs a la barralha frontalièra. TV3 rapòrta que los que reüssiguèron a passar foguèron arrestats e remandats al territòri grèc.
 
Segon Mètges Sens Frontièras (MSF), i a almens tres centenats de ferits, la majoritat per l’efièch dels gases. L’ONG medicala denóncia tanben que, demest los ferits, i a tres enfants de mens de dètz ans amb d’impactes de balas de plastic sul cap.
 

 

 
 

 
 




VilaWeb.cat / Incidents a Idomeniper vilawebtv

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
1.

Aaa ! Podèm aicí remirar Euròpa defendent sas inalienablas valors umanistas e democraticas !!! Urosament qu'avèm Euròpa ! Se que non, sortiriam a pro pena de las caunas preïstoricas.

  • 0
  • 0

Escriu un comentari sus aqueste article