Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Aran: imatges de l’orsa Hvala amb sos orsalhons

Un d’eles se nomenarà Tai s’es mascle o ben Tata s’es feme

| Conselh Generau d'Aran
Lo Govèrn d'Aran a publicat d’imatges nòus de l’orsa Hvala e de sos dos orsardets nascuts en 2015. Los imatges los prenguèt una de las camèras automaticas dels agents de l’environament del Conselh General d’Aran que s’emplegan per far lo seguiment dels plantigrads. Se sap pas encara lo sèxe dels orsalhons, mas lo Conselh General d’Aran a decidit qu’un d’eles se nomenarà Tai s’es mascle o ben Tata s’es feme. “Tai” e “Tata” es lo biais afectiu e familial de dire “fraire” e “sòrre” respectivament en Aran. La còla tecnica de l’ors, de l’estat francés, causirà l’autre nom.
 
Es lo segond còp que s’es pogut fotografiar l’orsa Hvala e sos orsardets. Lo primièr còp foguèt arunan dins la comuna de Les, quand los petits avián uèch meses.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article