Bandièra01 1180x150: Comuna de Tolosa

Actualitats

Lo CIRDÒC obten una subvencion excepcionala per tractar lo fons de Robèrt Lafont

Aquò permetrà lo recrutament d’un agent consagrat al classament e a l’inventari de la correspondéncia conservada dins aquel fons

| lo CIRDÒC-Mediatèca occitana
Lo CIRDÒC ven d’obténer una subvencion excepcionala de l’Agéncia Bibliografica de l’Ensenhament Superior (ABES) pel tractament de la correspondéncia del fons Robèrt Lafont. Aquela subvencion va permetre lo recrutament d’un agent que sostendrà la còla ja existenta, e que se consagrarà entièrament al classament e a l’inventari de la correspondéncia conservada dins aquel fons.
 
Lo CIRDÒC ten los archius de Robèrt Lafont dempuèi decembre de 2011. Aqueles archius de l’autor, pensaire e universitari occitan internacionalament reconegut, ofrisson a totes un agach unic sus l’occitan, dempuèi lo dels trobadors fins a l’occitan del sègle XX, gràcias a son testimoniatge d’actor màger dels escambis intèrnes a l’occitanisme d’après-guèrra e del dialòg amb las nombrosas lengas d’Euròpa e del bacin mediterranèu.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Espirit Lengadocian Cantalausia
7.

“Unenc” es un mot sinonim a “unic” segon lo Diccionari General Occitan de Cantalausa.

  • 0
  • 0
Òlo Pujòlo
6.

#5 ei Pessamessa, qué voletz?

  • 4
  • 0
Domergue Sumien Ais de Provença
5.

#2 Cadun pòt constatar ***l'ingratitud escandalosa*** de "Donat" que deu sa carriera literària a l'ajuda iniciala de Robèrt Lafont. E la lenga de Robèrt Lafont es mila còps mai qualitosa qu'aquela de "Donat".

  • 7
  • 1
correccion Jornalet
4.

#2 L'article pòrta la forma 'unic', pòrta pas la forma 'unenc' qu'es estada corregida.

  • 6
  • 0
Représ lo matematician
3.

#2

Siás pas forut d'escriure 3 linhas de comentaris sens far de dècas afrosas e venes donar de leiçons?

Mesfisa te gojat, que lo cap se te poiriá espetar de tant conflat qu'es

  • 7
  • 3

Escriu un comentari sus aqueste article