Bandièra01 1180x150: Comuna de Tolosa

Actualitats

Las marridas politicas lingüisticas sul galèc arriban al parlament portugués

Lo parlament de Portugal ara demandarà als govèrns galèc e espanhòl de complir las leis lingüisticas. En Galícia la situacion de la lenga es critica

La Comission de la Cultura e l’Educacion del parlament portugués recebrà d’informacions de primièra man sus la situacion critica del galèc e sus los incompliments del govèrn de Galícia e del govèrn espanhòl sul terren lingüistic. Susana Méndez, d’A Mesa —l’ofici per la normalizacion lingüistica—, deu presentar lo rapòrt sus la situacion del galèc ja liurat en 2015 a la Comission dels Dreches Umans de l’ÒNU e al comitat d’expèrts sus la Carta Europèa de las Lengas. La tòca es que lo parlament de Portugal demande al govèrn autonomic de Galícia e al govèrn de l’estat espahòl de complir la legislacion internacionala en matèria lingüistica.
 
Aquel rapòrt detalha los incompliments de l’estat espanhòl e del govèrn autonomic de Galícia tocant la legislacion —internacionala e pròpria— en matèria de lenga galèga dins los domenis de l’administracion publica, l’educacion, la justícia, los mèdias e la santat.
 
Los deputats membres de la comission seràn imformats dirèctament de las principalas denóncias qu’A Mesa a presentadas aquestes darrièrs ans, e coneisseràn las sièis mesuras urgentas que l’entitat per la normalizacion lingüistica prepausa per redreiçar la situacion: entretant es primordiala la reciprocitat de las televisions publicas galèga e portuguesa.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
4.

Ja era hora que Portugal fes acò. Totas las forças progressistas se s'uneissen guanyarem, perquè som majoria. Lo pp es un partit reaccionari e franquista que sap pas que es cultura.

  • 7
  • 0
Ernèst Guevara Jr. L'Avana
3.

La tòca es que lo parlament de Portugal demande al govèrn autonomic de Galícia e al govèrn de l’estat espahòl de complir la legislacion internacionala en matèria lingüistica. Serián plan amables d'o demandar tanben a França !!!

  • 13
  • 0
Òlo Pujòlo
2.

#1 Galícia non ei pro liura entà assegurar eth futur dera sua lengua e cultura. Portugal si que n'ei, e aquera libertat l'obigue morauments a suenhar era lengua e era cultura galaicoportugueses, laguens de tot eth territòri lingüistic e culturau, ath delà des termières.

  • 13
  • 0
Enric Piusset Paris
1.

Los galècs se'n foton del parlament portugués. Son pro grans per poder decidir del futur de lor lenga galega.

  • 2
  • 15

Escriu un comentari sus aqueste article