Bandièra01 1180x150: Comuna de Tolosa

Actualitats

Un nòu mòde de desintegracion dei nogaus atomics

| INFN
Un experiment italian recent a fach la demostracion d’un nòu mòde de desintegracion dei nogaus atomics, qu’aviá escapat a près d’un sègle de recèrca en fisica nucleara, çò publica Science Direct.
 
Aquela transformacion dei nogaus en un molon de pichons nogaus d’èli (particulas alfa) èra ja estada imaginada per James Chadwick, l’òme que descobriguèt lo neutron. Pasmens, i aviá ges de pròva experimentala e lei modèls teorics èran fragils. Gràcias a l’experiment Chimera, se saup encuei que lei nogaus leugiers se pòdon transformar integralament en un “clustèr” de nogaus alfa. Abitualament lei particulas alfa son produchas una a cha una per de nogaus pesucs, e daissan coma un autre sosproduch un autre nogau relativament pesuc e radioactiu.
 
A l’ora d’ara, aquela descorbèrta es de recèrca fondamentala, sensa ges d’aplicacion. Mai se pòu imaginar que poiriá aver d’aplicacions dins lo futur, en porgissent un autre biais d’esplechar l’energia nucleara, un autre esplech dins nòstra boita... en sabent que la radioactivitat dei particulas alfa es arrestada per un fuelh de papier.
 
 
 
 
Julien Frison

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
2.

La foto sembla coma un talher de bicicletas e lo mecanic jugant jugant, ha inventat un altra sistema per far d'energia ...

  • 0
  • 0
lachaud
1.

Me damanda si quò es la bona solucion de demantelar una veitura peça per peça, per saber coma quò marcha.

  • 3
  • 0

Escriu un comentari sus aqueste article