Actualitats
Juranson: lo licèu professional reprimís dos escolans per lors engatjaments politics
La direccion lor repròcha lor engatjament politic, bòrd qu’an organizat d’assembladas generalas. Una peticion en linha amassa de signaturas de protèsta
Lo licèu professional (LÈP) de Juranson, en Bearn, auriá menaçat de reprimir amb un conselh disciplinari dos liceans, nomenats Alexandre e Tristan, que poirián èsser quitament expulsats del centre escolar. La direccion lor repròcha lor engatjament politic, bòrd qu’an organizat d’assembladas generalas.
Dimars passat se debanèt un acamp de protèsta davant lo licèu e, tanben, s’es lançada una peticion en linha per exigir que la direccion del LÈP de Juranson retire immediatament tota convocacion tocant los dos escolans. Alexandre e Tristan an lo sosten de plusors sindicats e de partits politics dont Joventut en Luta Pau, Solidaris Estudiants, Sud Cultura Castèth de Pau, Òc Futur Roge, Libertat, Accion Antifaishista Pau-Bearn e FÈRC Sup CGT UPPA.
“Libertat que s’opausa a la repression contra los camaradas Alexandre e Tristan hèita per la direccion deu LÈP de Juranson. Lutar non ei pas un crime!”, çò a declarat lo movement esquerrista occitan.
Dimars passat se debanèt un acamp de protèsta davant lo licèu e, tanben, s’es lançada una peticion en linha per exigir que la direccion del LÈP de Juranson retire immediatament tota convocacion tocant los dos escolans. Alexandre e Tristan an lo sosten de plusors sindicats e de partits politics dont Joventut en Luta Pau, Solidaris Estudiants, Sud Cultura Castèth de Pau, Òc Futur Roge, Libertat, Accion Antifaishista Pau-Bearn e FÈRC Sup CGT UPPA.
“Libertat que s’opausa a la repression contra los camaradas Alexandre e Tristan hèita per la direccion deu LÈP de Juranson. Lutar non ei pas un crime!”, çò a declarat lo movement esquerrista occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo director del centre deue ser un defensor de la lei contra los trabalhadors de lo petit Manelet e Hollande.
Quò me rapela mars 1968 au liceu Cabanis a Brive. Mon melhor amic damandet l'autorisacion de quitar lo liceu, lo dissabte, per anar a un maridatge. Autorisacion refusada. Mon amic partiguet sens autorisacion; conselh de discipline. Las sancions fugueran seriosas qu'aurian polguts li empeschar de far carriera dins l'educacion nacionala e dos jorns de misa a la pòrta.
Còpsec, fagueran una greva de la fam. A miegjorn lo silenci se faguet dins lo refctori; degun minjet e aquò duret tres jorns. Las sanccions fugueran levadas.
La repression a l'escòla data pas d'ièr. En 69, lo director de l'escòla normala de Montpelhièr, un tipe amb paucas luses que, per el, emmerdar lo mond li fasiá d'autoritat, nos interdiguèt d'anar escotar Raimon al teatre perque qualques jorns abans s'èra embarrat a Montserrat, amb mai d'un centenat d'intellectuals, per protestar contra los crimes de Franco. Entre lo Caudillo e lo cantaire de tria, exemple de democrata, sénher Gausserand aviá facha sa causida. Resultat: quand venguèt Lluis Llach, amb Enric Barbat, m’escapèri sens res dire a digús. E òc, per far las causas plan coma cal dins l'educacion nacionala de còps se cal far clandestin. Deu èsser per lo qualificatiu de "nacionala", probable.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari