Bandièra01 1180x150: Comuna de Tolosa

Actualitats

Lo govèrn d’Armenia o a tot de prèst per reconéisser l’independéncia del Naut Karabagh

Aquela reconeissença se farà efectiva s’Azerbaitjan lança quina que siá novèla ataca contra Karabagh

Lo govèrn d’Armenia a anonciat ara qu’a una lei d’alestida per reconéisser diplomaticament l’independéncia del Naut Karabagh. Segon lo Ministèri dels Afars Estrangièrs armèni, lo parlament votarà aquela reconeissença s’Azerbaitjan lança quina que siá novèla ataca contra Karabagh.
 
Lo govèrn armèni a encargat la redaccion de la lei a dos membres de l’oposicion, dont l’èx-primièr ministre Hrant Bagratyan, que diguèt que tota ataca de l’armada azerbaitjanesa implicariá “la fin dels acòrdis de Minsk”.
 
La tòca d’aqueles acòrdis èra de trobar un espaci de dialòg entre Armenia e Azerbaitjan a prepaus del Naut Karabagh, una region de populacion armènia que l’URSS l’aviá inclusa dins Azerbaitjan. Lo Naut Karabagh se proclamèt un estat independent en 1991, mas degun l’a pas reconegut, en partida perque Armenia o a pas fach prèviament. S’Armenia reconeissiá ara lo Naut Karabagh, es probable que d’autres estats seguirián.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Leoun
3.

#2 Se. Sarié vertadièramen un estat independant emé 3 frountièro (Armenìo, Iran, Azerbaïdjan). Es ja uno republico emé un Presidènt, un parlament, uno counstitucioun... despièi d'annado.

Pamens, sarrié ligado à l'Armenìo ecounoumicamèn pèr un Accord de libre-escambi e uno mounedo coumuno e sarrié de fa mèmbro de l'unioun ecounoumico eurasiatico que l'Armenìo n'en fa ja partido.(emé la Russìo,lou Cirguistan, lou Casaquestan e la Bielorussìo).

Sus la questioun de la recouneissènço internaciounalo, s'es pas recouneigu "de jure" pèr aucun di paìs mèmbro de l'ONU, es recouneigu pèr uno partido dis Estats dis Estats-Unis d'Americo, lou parlament autonòm dèu paìs Basque Espagnòu e aquèu de Corsego ... e forço entita regiounalo.
Armenìo lou recouneis pencaro "de jure" mai lou recouneis "de facto" despièi la debuto. Azerbaìdjan èu refuso de lou recouneis mai lou mès passa, a signa un arest dis oustilita emé lis autourita de Karabagh ... e pèr counsequènt li recouneis implicitamèn coume soubeirano!


Raport à la "guèrro di 4 jours" (2-5 d'abrièu 2016), aquesto ataco lançado pèr Azerbaìdjan s'es acabado pèr un statu-quo e a fa mai de 180 mort e 2000 nafrat di 2 coustats (mai de 225 morts despièi la debuto de l'annado).

  • 1
  • 0
Julien Tsukuba
2.

Independent *de l'Azerbaitjan*, mai l'Armenia vòu absoludament pas que lo Naut-Karabagh siágue vertadierament independent. D'alhors es pas segur qu'es ço que vòu realament lo Naut-Karabagh tanpauc...

  • 0
  • 1
D
1.

En davans!

  • 3
  • 1

Escriu un comentari sus aqueste article