Bandièra01 1180x150: Comuna de Tolosa

Actualitats

Ucraïna ganha l’Eurovision amb una cançon sus los tatars de Crimèa

La peninsula foguèt annexada a Russia en març de 2014

Ucraïna a ganhat lo festenal de l’Eurovision d’ongan a Estocòlme. O a fach amb la cançon 1944 de Jamala, una cantaira originària de Crimèa, la peninsula al sud d’Ucraïna annexada per Russia en març de 2014. La jove interprèta foguèt causida per representar Ucraïna amb aquela cançon, en anglés e tatar, qu’evòca la tragèdia viscuda per aquel pòble durant l’epòca d’Stalin. 1944, lo títol del tèma, fa referéncia a l’annada de la deportacion cap a l’Asia Centrala de mai de 240 000 tatars de Crimèa, sota l’acusacion d’aver collaborat supausadament amb los nazis.
 


Los subrevivents e descendents tatars poguèron pas començar de tornar en Crimèa abans que tombèsse l’Union Sovietica en 1991. E dedins Crimèa, en 2014, s’opausèron a l’annexion a Russia per paur d’una persecucion nòva.

E mai se la cançon conten de referéncias a aquela annexion —car las règlas del concors de l’Eurovision proïbisson las paraulas consideradas politicas—, Jamala si qu’assegura que l’escriguèt, sa cançon, en rason de “l’impoténcia” que li causèt l’integracion de Crimèa a Russia. Amb 1944, la cantaira vòl far ausir a l’Occident que “los tatars de Crimèa son desesperats e qu’an besonh de sosten”.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
2.

Un muntatge fort, perquè los votes del públic donavan guanhadora la cançó russa per molta diferència.

  • 3
  • 7
Nicolau Rei Bèthvéder Sent Lis
1.

Aquesta cançon, dambe un messatge politic hòrt, càmbia de las sonsainas costumèras de l'Eurovision. Au mens, a lo meriti d'atirar los espiar suu martir d'aqueste paube pòble tatar. La Crimèa ei devenguda russa pr'amor d'ua epuracion etnica recenta e la pòden pas legitimar.

  • 16
  • 3

Escriu un comentari sus aqueste article