Actualitats
Un felen de Joan Miró vend 28 òbras del pintor per ajudar los refugiats
Joan Punyet i Miró ditz que lo sieu pepin o auriá fach perque coneguèt la desolacion de l'exili
Joan Punyet i Miró, felen del pintor catalan Joan Miró, organizèt dijòus passat a Londres una venda a l’enquant de 28 petitas òbras de Joan Miró e de litografias, al benefici dels refugiats. Aquí amassèt 61 000 èuros qu'a liurats a la Crotz Roja Internacionala.
Lo sieu pepin o auriá fach, s’èra viu, çò diguèt Punyet a France Press. “El experimentèt la fam e l’exili a causa de la guèrra civila espanhòla, e visquèt la Segonda Guèrra Mondiala, coneissiá la desolacion dels camps de refugiats e per aquela rason volguèt totjorn ajudar las personas desfavoridas, los exiliats e los refugiats”.
Joan Miró aviá agut una relacion especiala amb la Crotz Roja, que s’enfortiguèt quand sa filha —la maire de Joan Punyet i Miró— aguèt un grèu accident e que de membres de la Crotz Roja la salvèron.
Lo sieu pepin o auriá fach, s’èra viu, çò diguèt Punyet a France Press. “El experimentèt la fam e l’exili a causa de la guèrra civila espanhòla, e visquèt la Segonda Guèrra Mondiala, coneissiá la desolacion dels camps de refugiats e per aquela rason volguèt totjorn ajudar las personas desfavoridas, los exiliats e los refugiats”.
Joan Miró aviá agut una relacion especiala amb la Crotz Roja, que s’enfortiguèt quand sa filha —la maire de Joan Punyet i Miró— aguèt un grèu accident e que de membres de la Crotz Roja la salvèron.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari