Bandièra01 1180x150: Comuna de Tolosa

Actualitats

Una esquipa de dètz refugiats participarà als Jòcs Olimpics de Rio 2016

Aquela iniciativa arriba en un moment de l’istòria que lo nombre de personas forçadas de fugir lor país es sens precedent

Un esquipa de refugiats serà ongan en competicion dins los jòcs de la XXXI olimpiada, que se celebraràn del 15 al 21 d’agost que venon a Rio de Janeiro. Lo Comitat Olimpic Internacional anoncièt lo 3 de junh passat la seleccion dels dètz esportius d’aquela esquipa, que compren dos nadaires sirians, dos judokas de la Republica Democratica de Còngo, un maratonian etiopian e cinc correires de mièg-fons del Sodan del Sud, çò rapòrta lo Naut Comissariat de las Nacions Unidas pels Refugiats (NACNUR).
 
“Lor participacion als Jòcs Olimpics es un omenatge al coratge e a la perseverança de totes los refugiats per subremontar l’adversitat e construir un avenir melhor per eles meteisses e lors familhas”, çò declarèt lo naut comissari del NACNUR Filippo Gardi. Participaràn jos l’egida del drapèl olimpic.
 
Aquela iniciativa arriba en un moment de l’istòria que lo nombre de personas forçadas de fugir lor país per escapar de las guèrras e de la persecucion es sens precedent: 59,5 milions segon las darrièras estatisticas.
 
Lo sit del NACNUR publica un retrach, en anglés e en francés, de cadun dels dètz esportius de l’esquipa olimpica dels refugiats. Tanben los podètz seguir sus Twitter amb l’etiqueta #TeamRefugees.
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Sens precedent... Enfin: quand totes los visigòts, ostrogòts e autres gòts gratavan camin davant los Uns de l'Atila, ne deviá far de mond "desplaçat"! Es aital qu'avèm lo pic d'Alaric.

  • 0
  • 0

Escriu un comentari sus aqueste article