Bandièra01 1180x150: Comuna de Tolosa

Actualitats

Áŋpó Lúta, la tèrra lakota en Occitània, festeja son 25n anniversari

Los 23 e 24 de julhet se tendrà una tièra d’animacions interculturalas sioux e occitanas

| www.oocities.org
Áŋpó Lúta (en lakota "alba roja") es lo tròç de tèrra sioux en Occitània, d’aperaquí 8 ectaras près de la vila de Faucèrgas (Segalar), qu’ongan festeja son 25n anniversari los 23 e 24 de julhet.
 
En 1989 Thierry Cintas, president de l’associacion CORDAE/La Talvera, ofriguèt un tròç de sas tèrras al pòble lakota, tanben conegut coma sioux. Après dos ans de trabalh en comun, en julhet de 1991, d’occitans e de lakotas ensems inaugurèron lo sit amb una ceremònia que tirèt l’atencion d’Occitània tota e quitament dels mèdias de l’estat francés.
 
Per remembrar e festejar aquel eveniment, los 23 e 24 de julhet que venon, a Valéncia d’Albigés e a Faucèrgas se debanarà una tièra d’activitats interculturalas, dont de passejadas contadas e musicalas, de talhièrs de danças occitanas e lakotas, de balètis de las doas culturas, d’encontres sus la cultura lakota, d’exposicions d’art e divèrsas animacions.
 
Per mai d’informacions podètz contactar:
 
Thierry Cintas: +33(0)6 86 62 15 19, occintasnia(a)orange.fr
o La Talvera: +33(0)5 63 56 19 17, talvera(a)talvera.org.
 
Tanben vos podètz jónher a l’eveniment sus Facebook.
 
 
 
 

 
 

REPORTAGE FRANCE 2 ANPO LUTApor anpoluta
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

N'hem d'apendre tant, sou els millors, que tot el que desitjeu sigui realitat, i que els nostres pesaments, son amb vosaltres.
Visca la Terra...Lliure !
L'Ernest, "El tàrrega".

  • 0
  • 0
Tazuskala - Formigueta
1.

Lila anpetu waste yelo - Es un subrebèl jorn.

  • 2
  • 0

Escriu un comentari sus aqueste article