Bandièra01 1180x150: Comuna de Tolosa

Actualitats

De jornadas en Savartés sus l'avenir de la vida en montanha

2as Confrontacions de l'innovacion en montanha: l'amenatjament, los servicis publics, l'emplec e la cultura

L'Espitalet
L'Espitalet | Cevenol2

L'associacion "Que la montagne est rebelle" (que la montanha es rebèlla) organiza aquela dimenjada (6, 7 e 8 d'abril) las 2as Confrontacions de l'innovacion en montanha. S'agís de jornadas centradas en quatre tematicas sus l'avenir de la vida en montanha: l'amainatjament de la montanha, los servicis publics, l'emplec e la cultura. Lo collectiu compta amb las municipalitats de l'Espitalet e de Merens las Vals.


Lo collectiu "Que la montagne est rebelle" (que la montanha es rebèlla) organiza aquesta dimenjada (6, 7 e 8 d'abril) las 2as Confrontacions de l'Innovacion en Montanha. S'agís de jornadas centradas en quatre tematicas sus l'avenir de la vida en montanha: l'amainatjament de la montanha, los servicis publics, l'emplec e la cultura. Lo collectiu compta amb las municipalitats de L'Espitalet e de Merencs las Vals. 
 
Las jornadas se debanaràn en la nauta valada d'Arièja, dins lo país de Savartés.

Las jornadas an començat aqueste dijòus amb la projeccion del documentari "Tous au Larzac". Per divendres l'organizacion prepausa un dinnar a cargue de païsans de la val a L'Espitalet. Dissabte, al meteis endrech, i aurà la conferéncia-debat suls quatre tèmas principals de las jornadas ont de representants dels candidats a las presidencialas francesas e d'especialistas respondràn a las questions dels participants. La jornada seguirà amb la siá part festiva amb una molonada de concèrts a Las Cabanas. Dimenge una passejada rebèlla, pensada e acompanhada per Francés Soulé, clavarà la dimenjada. 
 
Lo collectiu "Que la montagne est rebelle" demanda la mantenença dels servicis publics en montanha e l'amainatjament equilibrat dels territòris.

Mai d'informacions sul sit web de "Que la montagne est rebelle".

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article