Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaComengeCoserans

Los dètz ans d’oficialitat de l’occitan en Catalonha marcan lo rescontre del pòrt de Salau

Dimenge que ven, occitans e catalans se rescontraràn pel 29n còp per la libertat dels pòbles e l’amistat occitanocatalana

| CAÒC
Coma cada an dempuèi vint e nòu ans, de centenats d’occitans e catalans s’amassaràn dimenge que ven, 7 d’agost, al Pòrt de Salau, al limit occitanocatalan, en Coseran, a 2100 mètres d’altitud. Los participants pojaràn del costat occitan dempuèi Salau (Coseran), en tot marchar doas oras e mièja, e del costat catalan dempuèi Esterri d’Àneu (Palhars Sobeiran) en tot caminar aperaquí 45 minutas. L’amassada es organizada pel CAÒC e per l’ASPIC, coma una escorreguda d’amistat e de revendicacion nacionala dels dos pòbles vesins.
 
Un còp sul pòrt, i faràn d’actes d’afrairament amb un escambi de produches dels dos costats: de formatge, de vin, de liquors amb de ratafiat, de galetas, de chocolat, de carnsalada, etcetèra. Tanben i dançaràn de danças tradicionalas al son dels musicians pirenencs, occitans e catalans. De mai, auràn luòc, coma d’abitud, los discorses de benvenguda, las cançons e los imnes en issant las doas bandièras.
 
L’emplaçament d’aquel pòrt es simbolic: es un camin natural entre Occitània e Catalonha qu’a servit istoricament per far de comèrci e per connectar los dos pòbles. Pendent la Guèrra d’Espanha de milièrs de republicans i passèron en essent sus lo camin de l’exili. De costuma los occitans i pòrtan lo formatge del temps que los catalans pòrtament lo vin.


De costuma tanben participan de musicians e d’elegits dels dos costats del “calhau” e se revendica la cultura comuna occitanocatalana e las relacions transfrontalièras que deurián ligar los païses de Palhars e Coseran.
 
 
Lo jorn precedent a Esterri d’Àneu
 
Lo jorn precedent, dissabte 6 d’agost, se tendrà a l’Ecomusèu d’Esterri d’Àneu, una projeccion del documentari Aqueth dia i auie ua nòça, que reviu l'invasion  mancada de la Val d’Aran pels maquises en 1944 amb la tòca de tombar o regim de Franco.  Puèi i aurà un debat sul tèma “Occitan en Catalonha: dètz ans d’oficialitat”, e una serada de musica occitanocatalana.
 
Podètz telecargar d’Internet lo programa e l’aficha d’aquela amassada occitanocatalana de referéncia.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
1.

Jo hi dic polbes germans. Els Valencians diuen: " Sense València no hi ha Independència", diria que amb Occitània, hi ha quelcom se similiar.
I si ho intentem junts?
Visca laTerra...Lliure !
L'Ernest, "El Tàrrega".

  • 0
  • 0

Escriu un comentari sus aqueste article