Bandièra01 1180x150: Comuna de Tolosa

Actualitats

crotz-tolosaCreated with Sketch.Valadas OccitanasValadas Occitanas

Umberto Bossi demissiona per l'escandal financièr de la Liga Nòrd

Lo partit es mes en examen per finançament illegal e collaboracion amb la màfia

| Vilaweb

L'istoric dirigent de la Liga Nòrd, Umberto Bossi, ven de presentar la siá demission definitiva  coma secretari general del partit per l'escandal de finançament illegal e collaboracion amb la màfia, segon lo jornal La Repubblica. Aquel cas a ja forçat la revocacion del clavaire del partit, Francesco Belsito.


Bossi a presentat la siá demission en una amassada del Conselh Federal de la Liga Nòrd que se debanava a Milan. En principi, serà relevat per una comission gerenta compausada per Roberto Calderoli, Roberto Maroni e Giancarlo Giorgetti, que se cargarà de convocar un congrès per decidir qui serà lo novèl responsable del partit.
 
La Liga Nòrd èra lo principal sòci del govèrn de Silvio Berlusconi, que demissionèt lo mes de novembre passat per daissar la plaça a un executiu de tecnocratas dirigit per l'actual primièr ministre, Mario Monti.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article