Bandièra01 1180x150: Comuna de Tolosa

Actualitats

Lo govèrn de Catalonha pensa pas d'enebir lo burkini e vòl “que cadun s’abilhe coma li plairà”

Tanben lo conselh municipal de Barcelona defend la libertat de las femnas de se vestir e de se banhar coma voldràn

Mentre que la polemica del burkini persistís totjorn en Occitània, en Catalonha lo govèrn de la Generalitat de Catalonha a pas cap d’intencion d’enebir aquel vestit de banh. “Baste que la causida siá liura, que cadun s’abilhe coma lo plairà”, çò diguèt Oriol Amorós, secretari de l’egalitat e de las migracions de la Generalitat de Catalonha, segon çò que rapòrta Vilaweb. Interrogat pels jornalistas dins l’encastre de l’Universitat Catalana d’Estiu a Prada de Conflent (Catalonha), Amorós assegurèt que la causida personala d’un vestit de banh determinat violava pas cap de drech fondamental. En mai d’aquò, remembrèt que lo Pache Nacional d’Immigracion de Catalonha cercava “un modèl de convivéncia basada sus de valors fondamentalas coma la democracia, l’egalitat entre los òmes e las femnas e lo respècte dels dreches umans”.
 
Dins aquel sens s’es tanplan manifestat lo conselh municipal de Barcelona, que defend la libertat de las femnas de s’abilhar e de se banhar coma voldràn.
 
Lo burkini es un vestit de banh que mòstra solament la cara e los pès. Es semblable a una combinason de cabussada, mas es fach de materials textils. Aqueste vestit de banh, que son nom deriva dels  mots “burqa” e “bikini”, lo creèt una dessenhaira australiana musulmana nomenada Aheda Zanetti, per la societat Ahiida que n’a la marca depausada. Ahiida promòu lo burkini coma la solucion perfiècha pel banh public de las femnas musulmanas mai tradicionalistas, mas dins l’estat francés lo burkini es enebit per la lei dins las piscinas publicas, en aplicacion de las “règlas d’igièna”.
 
En Occitània lo pòrt del burkini es estat enebit per las comunas de Canas e de Vilanòva Lobet, en Vencenc, e a generat de polemicas en País Marselhés e Bearn.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
14.

Crec que si Déu d'on sigui veu una dona ensenyan el cos, no crec que s'enfadi. Ara quan els homes les volen tapades, maltractades i comprades, crec que poc hi te a veure Déu,
Però cada cultura és com és, i si elles volen anar així...
L'ernest, "El Tàrrega".

  • 0
  • 0
Irètge
13.

#9 De vièlhs racistas, en Catalonha, no'n manca pas, çò ditz.

  • 1
  • 19
francesc palma de mallorca
12.

Per internet hi ha una pàgina en francès que ven "antibukinis", qu'es lo vestit de banh amb la bandièra tricolor francesa, pot ser biquini mini o d'una sola peça, tamben se fa per homes, i portan escrit al cul "maillot nacional francès". Al mateis loc venen burkinis amb variacions respecte als primers, lo còl destapat, manigas fins los còdols, mitja cuissa mostant los genols, mitja esquena, correja, amb capelet pichon. Als que fan una comanda, se' ls regala una cabineta portatil per poder-se canviar la rauba sense paur de ser espiats.

  • 15
  • 1
Ernèst Guevarra Jr.
11.

Lo govèrn de Catalonha pensa pas d'enebir lo burkini e vòl “que cadun s’abilhe coma li plairà”.
Tanben lo conselh municipal de Barcelona defend la libertat de las femnas de se vestir e de se banhar coma voldràn. Coma voldrçn, òc, plan precisament, e non pas coma o voldràn lors marits integristas o qualque fendasclat misogin del sicap…

  • 9
  • 2
felip maurici
10.

#8 brau ! dins ta testa !......

  • 0
  • 1

Escriu un comentari sus aqueste article