Lo Mont 15-29 Tolon
 
Per la soa purmèira partida de la sason a casa, los landés recebèvan Tolon. Los varés ne son pas dintrats a casa desempuish una setmana pr’amor a la sortida de la darrèira partida a París son partits directament en estagi en Gironda. Era tanben la tresau consecutiva a l’exterior. Lo Mont joguèt una partida de qualitat, marquèren los punts au pè au bon moment, mès dens las quinze darrèiras minutas lo banc tolonés dab Giteau, Michalack, Shaw an hèit la diferéncia. Punt de bonus ofensiu peu tolonés e arren peu landés. Cau continuar a  tribalhar au Mont e vertadièrament Tolon es la còla d’aqueth començament de sason.
 
 
Grenòble 26-12 Estadi Francés
 
Los suportaires de Grenòble esperavan aqueth moment desempuish set ans e una des·heita a casa contra l’estadi francés. Mès divés, Grenòble joguèt com una còla que ne quitèt pas jamèi l’eleit. Au contrari l’estadi joguèt shens ambicion. La dominacion globau deus arptitans pòt deishar sonque un grad a la fin de la partida, aqueth de ne pas préner lo punt de bonus ofensiu vist qu’an marcat dus ensais en segonda tempsada.
 
 
Castras 31-10 Baiona
 
A la tempsada los baionés èran dens la partida per préner punts dab un 11 a 10 en favor deus castrés. En segonda tempsada los baionés poden criticar l’ensai acordat a Martial a la 52au minuta pr’amor que i avèva peca au començament de l’accion. Apuei que deven criticar la lora indisciplina. Aquò ne perdona pas davant la còla castresa. N’i a pas avut de punt de bonus dens aquera partida
 
 
Racing 18-7 Bègla-Bordèu
 
Au nivèu deu jòc perpausat, los racingmen son la bona suspresa de la sason. N’an pas marcat d’ensai mès la lora victòria ei logica e deven continuar a tribalhar dab la medisha ambicion dens lo jòc. Los girondins marquèren lo solet ensai a la darrèira minuta sus una accion de cent mètres. Lo Raphael Ibanez ne se sufirà pas d’aquò. La partida comença a la purmèira minuta e non pas a la darrèira. Cau esperar que ne son pas punts que mancaràn a la fin de la sason, pr’amor l’UBB avèva la possiblitat de har un bon résultat en Isla de França.
 
 
Clarmont 53-31 Perpinhan
 
Non, non n’èra pas una partida deu Supèr 14 de l’emisfèri sud. Onze ensais au totau. Mès aquera partida pausa una question de hons. On va lo rugbi modèrne e las soas mescladas?
 
Las règlas ne son pas tostemps aisidas a compréner. Dens las quinze purmèiras minutas de jòc los dus pielars dreits Nicolas Mas e Kisi Pilu son sortits sus nafraduras. Com n’i avèva d’autes pielars dreits inscriuts sus la huèlha de partida, los catalans joguèren mei d’una òra a 14 contra 15. E las mescladas èran simuladas mei de 60 minutas.
 
Perpinhan n’a pas jamei barrat lo jòc mès a 14 contra 15 es complicat de voler ganhar contra los clarmontés. Marc Delpous se servirà aquesta setmana de l’estat d’esperit deus sona jogaires per ganhar la setmana que vien la purmèira partida de la sason. Cau sonque trobar dus navèths pielars.
 
 
Biàrritz 22-17 Tolosa
 
Com sovent, los tolosans dominèren au nivèu territoriau. Mès Bauxis deishèt de costat dotze punts au pè. De l’aute costat los de Blanco an hèit lo tribalh en purmèira tempsada dab un ensai de Traille, l’òmi hòrt d’aqueth començament de sason. Biàrritz ei purmèir au classament. Podem pensar que la setmana de tribalh a Tolosa serà seriosa.
 
 
Montpelhièr 32-15 Agen
 
L’indisciplina agenesa comença a pausar chepics. Es la tresau des·hèita consecutiva e la setmana que vien lo deplaçament a Tolosa serà complicat. Los montpelhierencs, dab lo bonus ofensiu, an assegurats l’essenciau. An construits la victòria dab lo temps e marquèren tres ensais dens las vint darrèiras minutas.
 
 
 

Pos	Clubs	Pts.	J	G	R	P	Dif.
1	Biàrritz	13	3	3	0	0	36
2	Tolon	13	3	3	0	0	22
3	Clarmont	10	3	2	0	1	24
4	Tolosa	10	3	2	0	1	11
5	Castras	9	3	2	0	1	37
6	Racing-Métro 92	9	3	2	0	1	13
7	Montpelhièr	9	3	2	0	1	6
8	Grenòble	8	3	2	0	1	-2
9	Bègla-Bordèu	5	3	1	0	2	-8
10	Baiona	5	3	1	0	2	-15
11	Estadi francés	4	3	1	0	2	-11
12	Agen	2	3	0	0	3	-27
13	Perpinhan	2	3	0	0	3	-32
14	Lo Mont	0	3	0	0	3	-54

 
 
 
 
Pro D2
 
La meishanta suspresa de la jornada vien deus quaranta punts pres per Briva. Coneishem la qualitat de l’esquipa carcassonesa e deu tribalh de Christian Labit. Mès en vertat esperavan un aute resultat per un club arribat de Top 14. Adara los de Briva saben ço qu’ei la Pro D2.
 
Besièrs, sauvat a la darrèira minuta apuei la davarada administrativa de Bourgoin, joguèt  las soas dus purmèiras partidas contra las èx-esquipas de Top 14. An pres seishanta punts a Lion e n’ia pas grana causa a díser.
 
La television dimenge perpausèt la partida enter los dus semifinalistas de l’an passat. Los dus, la Ròchela e Dacs, perduren a casa a la purmèira jornada. Per la Ròchela podem pensar qu’èra una error, peus landés ei mei greu pr’amor n’an pas muishat arren que sembla au rugbi.
 
 
Resultats
 
Aush 30-16 Massy
Tarba 24-14 Pau
Lion 63-15 Besièrs
Oyonnax 40-6 Albi
La Ròchela32-6 Dacs
Orlhac 42-19 Ais de Provença
Carcassona 34-14 Briva
Colomièrs 29-25 Narbona
 
 
 
 

Pos	Clubs	Pts.	J	G	R	P	Dif.
1	Lion	9	2	2	0	0	66
2	Oyonnax	9	2	2	0	0	44
3	Orlhac	8	2	2	0	0	38
4	Aush	8	2	2	0	0	15
5	Carcassona	5	2	1	0	1	19
6	La Ròchela	5	2	1	0	1	16
7	Colomièrs	5	2	1	0	1	2
8	Pau	4	2	1	0	1	-6
9	Tarba	4	2	1	0	1	-8
10	Massy	4	2	1	0	1	-11
11	Briva	4	2	1	0	1	-13
12	Albi	4	2	1	0	1	-32
13	Narbona	2	2	0	0	2	-8
14	Ais de Provença	1	2	0	0	2	-26
15	Besièrs	1	2	0	0	2	-55
16	Dacs	0	2	0	0	2	-41

 
 
 

Eric Goyhenne