Granda data del tretze aquesta setmana amb la finala de la Cup dissabte a Wembley entre Hull-FC e Warrington.
La bèstia negra dels catalans tusta encara
Los Dragons se faguèron eliminar en quart de Cup per Hull-FC. Es aquesta formacion que dijòus al ser levèt las darrièras illusions en Super-Liga als catalans que se presentèron amb una formacion amb solament 3 estrangièrs. Dins la setmana, s’aprenguèt que lo menaire de jòc Carney tornariá pas jogar de la sason: nafrat al ginolh. L’esquipa bèla dels sang e aur se trapa puslèu a l’infirmariá que sus la pelena. Resulta que fa mal al còr: desfaita 44-0.
Lo segond Warrington batèt Castlefòrd 14-11 dissabte e lo tresen Wigan ten a distància St-Helens: 25-0. Matematicament, Hull-FC e Warrington son ja qualificats per las mièjas finalas. Levat tèrratrem, Wigan e St-Helens los acompanharàn e los catalans dison definitivament adieu als sòmis de debuta de sason.
Per qual la Cup?
La Cup a decidit de jogar ongan la carta de la logica e la finala de dissabte de vèspre a Wembley opausarà los dos caps de fila de la Super-Liga Hull-FC e Warrington https://warringtonwolves.com . Farem de las Aglas de Mar d’Hull los favorits del rescontre.
Mitan: Salford mal embarrat
Los Diables de Salfòrd batuts sus lor pelena per Hull-KR 29-12 se trapan en marrida posicion dins la luta per la participacion a la Superliga l’an que ven. Las bonas resultas de Leigh (30-18 a Featherstone), que se prepara a la montada, van butar la formacion del president Kokash cap a la partida terribla de barratge que clavarà la competicion.
Tolosa en finala
Amb sa victòria 46-6 sus son segond Rochdale dissabte a Blanhac, lo Tolosa Olimpic es assegurat de jogar la primièra partida decisiva per la montada en Championship e mai que probable serà a domicili lo 17 o lo 18 de setembre. Aqueste divendres, los tolosans jogaràn a Londres.
En Elèit 1, lo president de la Federacion a anonciat que la Dimenjada Magica de debuta del campionat se debanarà los 24 e 25 de setembre a Perpinhan.
Alan Roch
La bèstia negra dels catalans tusta encara
Los Dragons se faguèron eliminar en quart de Cup per Hull-FC. Es aquesta formacion que dijòus al ser levèt las darrièras illusions en Super-Liga als catalans que se presentèron amb una formacion amb solament 3 estrangièrs. Dins la setmana, s’aprenguèt que lo menaire de jòc Carney tornariá pas jogar de la sason: nafrat al ginolh. L’esquipa bèla dels sang e aur se trapa puslèu a l’infirmariá que sus la pelena. Resulta que fa mal al còr: desfaita 44-0.
Lo segond Warrington batèt Castlefòrd 14-11 dissabte e lo tresen Wigan ten a distància St-Helens: 25-0. Matematicament, Hull-FC e Warrington son ja qualificats per las mièjas finalas. Levat tèrratrem, Wigan e St-Helens los acompanharàn e los catalans dison definitivament adieu als sòmis de debuta de sason.
Per qual la Cup?
La Cup a decidit de jogar ongan la carta de la logica e la finala de dissabte de vèspre a Wembley opausarà los dos caps de fila de la Super-Liga Hull-FC e Warrington https://warringtonwolves.com . Farem de las Aglas de Mar d’Hull los favorits del rescontre.
Mitan: Salford mal embarrat
Los Diables de Salfòrd batuts sus lor pelena per Hull-KR 29-12 se trapan en marrida posicion dins la luta per la participacion a la Superliga l’an que ven. Las bonas resultas de Leigh (30-18 a Featherstone), que se prepara a la montada, van butar la formacion del president Kokash cap a la partida terribla de barratge que clavarà la competicion.
Tolosa en finala
Amb sa victòria 46-6 sus son segond Rochdale dissabte a Blanhac, lo Tolosa Olimpic es assegurat de jogar la primièra partida decisiva per la montada en Championship e mai que probable serà a domicili lo 17 o lo 18 de setembre. Aqueste divendres, los tolosans jogaràn a Londres.
En Elèit 1, lo president de la Federacion a anonciat que la Dimenjada Magica de debuta del campionat se debanarà los 24 e 25 de setembre a Perpinhan.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari